Cáineadh déanta ar Aerfort Ghlaschú as Gaeilge na hÉireann a úsáid ar chomhartha fógraíochta do bheár nua

‘An bhfuil ocras ort?’ an mana a bhí i nGaeilge ar an bhfógra san aerfort seachas ‘A bheil an t-acras ort?’ i nGaeilge na hAlban

Cáineadh déanta ar Aerfort Ghlaschú as Gaeilge na hÉireann a úsáid ar chomhartha fógraíochta do bheár nua

Tá cáineadh déanta ar Aerfort Ghlaschú as Gaeilge na hÉireann a úsáid ar chomhartha fógraíochta dá mbialann agus teach tábhairne nua ‘Caledonia’.

‘An bhfuil ocras ort?’ an mana a bhí i nGaeilge ar an bhfógra san aerfort seachas ‘A bheil an t-acras ort?’ i nGaeilge na hAlban.

Baineadh anuas an comhartha nuair a cuireadh an botún aistriúcháin ar a súile do lucht an aerfoirt agus dúradh go gcuirfí leagan leasaithe in airde gan mhoill.

Dúirt Murdo MacSween, cainteoir Gàidhlig aitheanta a chuir pictiúr den fhógra amach ar na meáin shóisialta, gur údar frustrachais sleamchúis lucht an aerfoirt.

“Dia daoibh ar maidin @GLA_Airport, b’fhéidir nár chóir bhur n-aistriúcháin a Ghoogláil. Sin Gaeilge na hÉireann, ní Gaeilge na hAlban. Bíodh meas agaibh.”

Dúirt MacSween gur drochbhuille don teanga a bhí ina leithéid. Dúirt sé gur easpa measa a bhí i gceist agus go bhféachtar anois ar Ghaeilge na hAlban mar uirlis mhargaíochta mar gheall ar an rath a bhí ar an gclár Outlander agus ar chúrsaí Gàidhlig Duolingo.

Fág freagra ar 'Cáineadh déanta ar Aerfort Ghlaschú as Gaeilge na hÉireann a úsáid ar chomhartha fógraíochta do bheár nua'

  • Lillis Ó Laoire

    Thuig mé an pointe a bhí Murchadh Mac Suain a dhéanamh agus an ceart aige dar ndóigh. Ach tá oiread ceart ag Gaeilge na hÉireann a bheith ar chomhartha in aerphort Ghlaschú agus atá ag teanga na hAlba, mura mbeadh ann ach an méid daoine sa chathair ar cainteoirí Gaeilge as Éirinn iad. Sé an trua gur baineadh anuas an Ghaeilge Éireannach agus nach ndearnadh ach Gaeilge na hAlban a chur léi.

  • WTF

    Canntáil agus Cóilíniú athúlta na Gaeilge!

  • Gabriel Rosenstock

    Tá súil agam nach bhfuil Gaeilge na Mumhan le feiceáil in Aerfort Dhún na nGall!

  • Niall Gòrdan (Niall na Naoi bPionta)

    Sílimse nach bótún rómhór é seo – tá a cheart oiread de Ghaeil na hÉireann i nGlascú, nach bhfuil???? :-)

  • Beathag Mhoireasdan

    Agus tá réiteach éasca faoi sin, b’ fhéidir gur cheart é an dá theanga a usáid, imo bharúil-sa.