CLUASTUISCINT: Leabhar a fuaireas i skip a thug ar thuras mé ón Daingean go dtí Oklahoma

Gníomhaíocht 1 – Réamheolas

• Ar ball beidh tú ag éisteacht le mír faoi thuras a dhein Dara Ó Cinnéide go Meiriceá. Seo thíos an teideal agus pictiúr. Cad a bheidh ann dar leat?
• Teideal: ‘Leabhar a fuaireas i skip a thug ar thuras mé ón Daingean go dtí Oklahoma.’

Gníomhaíocht 2 – An Chéad Éisteacht

• Éist leis an mír ina hiomláine uair amháin.
• Déan iarracht príomhphointe an téacs a roinnt le do pháirtí ó bhéal.

Gníomhaíocht 3 – An Dara agus Tríú hÉisteacht

1. Céard is breá le muintir Chorca Dhuibhne a dhéanamh?
2. Cé chomh fada is atá an t-údar ag obair do Raidió na Gaeltachta?
3. Seo an chéad líne arís: “Pé tréith í sin a bhaineann linne i gCorca Dhuibhne, is deacair dúinn éalú ónár ndúchas agus ónár n-oidhreacht agus, i ndáiríre, ní mian le scata againn a leithéid a dhéanamh ar aon nós.” Cén bhrí a bhaineann tú as sin?
4. Cén fáth a luaitear Port Láirge?
5. Cad is brí leis an nath “mar fhear caide”.
6. Cad deirtear faoi Paddy Foley?
7. Seo an líne dheireanach. An bhfuil tú in ann í scríobh amach san ord ceart?

leabhar ar mo cheantar dúchais féin i gCorca Dhuibhne.
bhí i gceist anseo, go raibh stíl aoibhinn
scríbhneoireachta aige agus níos tábhachtaí fós,
go raibh grinnchuntas á thabhairt aige sa
ar saoire dom go gairid tar éis dom é a
Ag léamh an leabhair
aimsiú agus a shábháil ón skip, tuigeadh
go paiteanta dom gur Patrick Foley eile ar fad a

Gníomhaíocht 4 – Deachtóireacht

• Éist leis na chéad trí abairt arís agus déan iarracht na príomhfhocail a scríobh síos.
• Cuir an méid atá scríofa i gcomparáid leis an méid atá scríofa ag do pháirtí. Ina mbeirteanna déanaigí iarracht na trí abairt a scríobh.
• Éist leis na habairtí arís más gá.
• Beidh sibh in ann an méid atá scríofa agaibh a chur i gcomparáid leis an leagan bunaidh ar ball.

Gníomhaíocht 5 – Aimsigh agus Cuardaigh

• Éist leis an gcéad líne arís. Aimsigh focal baininscneach agus focal firinscneach.
• An bhfuil aon fhocal/frása a chuala tú nach dtuigeann tú? Déan iad a chuardach ar focloir.ie agus www.teanglann.ie.

Gníomhaíocht 6 – Cur in ord

• Seo thíos an chéad phíosa eile den alt.
• Ag obair le do pháirtí déan iarracht é a chur in ord.
• Tabhair réasúnaíocht cén fáth a bhfuil sé san ord sin.
• Beidh sibh in ann an freagra a sheiceáil ar ball.

1. fé réimeas an tSasanaigh. Níos mó
2. na bailte fearainn ar a shleasa thuaidh, thoir, thiar agus theas agus bhí éachtaintí, leis,
3. ná babhta amháin, mhothófá go raibh tuairimí polaitiúla
4. ar stairsheanchas agus seandálaíocht na leithinse trí chéile.
5. Bhí cur síos ar achrann creidimh, ar shuaitheadh polaitiúil agus ar an síorchruatan a bhí i ndán don nGael
6. agus dearcadh ar leith i leith na heaglaise agus na n-údarás á nochtadh ag an údar.
7. Bhí ana-éachtaint le fáil sa leabhar ar Chnoc Bréanainn agus

Gníomhaíocht 7 – An leagan bunaidh

• Seo an nasc chuig an leagan iomlán don scéal.
• Féach siar ar a bhfuil déanta agaibh i nGníomhaíocht 6.
• Déan an t-alt a léamh tú féin. Ansin déan é a léamh os ard i mbeirteanna.