Cén cúigear déag a bhain áit amach ar ár scothfhoireann d’imreoirí Ghaeltacht na Gaillimhe?

Agus Comórtas Peile na Gaeltachta curtha ar ceal i mbliana, as seo go deireadh seachtaine na Cincíse beidh plúr na n-imreoirí Gaeltachta á roghnú ag painéal roghnóirí Tuairisc.ie do scothfhoirne na Gaeltachta

Cuirtear tús inniu leis an tsraith nua Scothfhoirne na Gaeltachta, le Scothfhoireann Ghaeltachta na Gaillimhe. Imreoirí a d’imir i gComórtas Peile na Gaeltachta amháin atá cáilithe. Ag deireadh na sraithe, roghnóidh ár bpainéal An Fhoireann Gaeltachta is Fearr Riamh bunaithe ar na seacht sárfhoireann…

Foireann Ghaeltacht na Gaillimhe

Mártan Ó Ciardha

Nuair a iarrtar orm cúram mar seo a dhéanamh cuimhním i gcónaí ar an saor cloiche a mhair i mo cheantar fadó ag tráth den saol go mba é a leithéid a thóg mórán chuile theach sa bparóiste – gan aon chaint ar bhlocanna stroighin, ar mheascthóirí, ar insliú nó ar innealtóirí.

Bhí meas dá réir ar a leithéid  agus níor mhór cóir mhaith a chur orthu agus iad  i mbun oibre – a ndóthain le n-ithe de thogha na beatha agus lena ais sin corrbhraon a d’fhliuchadh a scornach.

Bhí dúil ansiúd ag an té atá i gceist agam agus é féin a deireadh go raibh dhá chineál simléar sna tithe a bhíodh tógtha aige – ‘simléar fliuch’ san áit ar baineadh an tart dó agus ‘simléar tirim’ san áit nár baineadh.

Agus é ag cur caipín an tsimléir ar theach inar fágadh gann go leor é ó thaobh na beatha agus tirim amach i dtaobh na dí, d’fhág sé smíste de chloch trasna leath na hoscailte. Ar theacht anuas dó chuimil sé a dhá lámh dá chéile agus dúirt lena ghiolla : ‘Sin é anois é agus mura dtarraingeoidh sé deatach, tarraingeoidh sé caint.’

Is é an scéal céanna é ag m’fhoireannsa.

An t-aiféala is mó atá orm nach bhfuil ainm Sheáinín Mhichael Mhóir Uí Chonghaile as Tír an Fhia á chur ar mo liosta. Sí mo thuairim mheáite nach bhfaca mé a shárú i gConamara mar imreoir lár páirce.

Faraor d’fhág an imirce gur thug  Seán aghaidh ar na Státaí  i ndeireadh na 1960idí agus cé gur fhill sé ar feadh tamaillín agus gur cuimhneach liom gur mharcáil sé Jack O’Shea i gcluiche sraithe i bPáirc an Phiarsaigh sna 1970idí, bhí sé imithe arís go gairid ina dhiaidh agus ní fhaca an contae, agus go háirithe Naomh Anna Leitir Móir, i mbéal a mhaitheasa ina dhiaidh sin é.

Foireann Ghaeltacht na Gaillimhe

  1. Maghnus Breathnach (An Spidéal)
  2. Niall Ó Cadhain (Carna-An Caiseal)
  3. Seán Mac Coscair (An Spidéal)
  4. Ciarán Ó Fátharta (Naomh Anna, Leitir Móir)
  5. Aodán Ó Sé (An Cheathrú Rua)
  6. Seán Ó Maoilchiaráin (Oileáin Árann)
  7. Seán Óg de Paor (An Cheathrú Rua)
  8. Fiontán Ó Curraoin (Micheál Breathnach)
  9. Seán Ó Domhnaill (An Cheathrú Rua)
  10. Pádraic ‘Dandy’ Ó Ceallaigh (Maigh Cuilinn)
  11. Criostóir Ó Scanláin (Micheál Breathnach)
  12. Conchuabhair Ó Máille (Naomh Anna, Leitir Móir)
  13. Pádraic Ó Conaire (Naomh Anna, Leitir Móir)
  14. Stiofán Seoighe (Naomh Pádraic, An Fhairche)
  15. Aló Ó Conghaile (An Spidéal)

Léigh tuilleadh sa rannóg seo 'Spórt'

Fág freagra ar 'Cén cúigear déag a bhain áit amach ar ár scothfhoireann d’imreoirí Ghaeltacht na Gaillimhe?'

  • PADRAIC

    1: Eoin Ó Conghaile (Naomh Anna)
    2: Máirtín Seoige (An Fháirche)
    3: Seán Ó Maoilchiaráin (Arainn
    4: Ciarán Ó Fátharta (Naomh Anna)
    5: Aodhán Ó Sé (An Cheathrú Rua)
    6: Padraic Ó Conghaile (Naomh Anna)
    7: Seán Óg De Paor (An Cheathrú Rua)
    8: Seán Ó Conghaile (Naomh Anna)
    9: Seán Ó Domhnaill (An Cheathrú Rua)
    10: Pádraig Dandy Ó Ceallaigh (Maigh Cuilinn)
    11: Christoir Ó Scanláin (Michael Breathnach)
    12: Padraic Ó Laoi (Naomh Anna)
    13: Stiofán Seoige (An Fháirche)
    14: Padraic Ó Coirbin (Carna Caiseal)
    15: Aló Conghaile (An Spidéal)

  • Dan

    Cá bhfuil fear Mhaigh Cuilinn, Paul Clancy?

I mBéal an Phobail