‘Lá Nollag go péacach, Lá’l Stiofáin ag iarraidh déirce’ agus 11 seanfhocal eile don fhéile

Bí réidh do gach comhrá an Nollaig seo leis an 12 seanfhocal seo…

‘Lá Nollag go péacach, Lá’l Stiofáin ag iarraidh déirce’ agus 11 seanfhocal eile don fhéile
  1. Lá Nollag, lá na móna agus Lá’l Michíl na trí lá a n-itheann an bodach a sháith.
  2. Oíche Inide gan feoil, Lá Nollag Mór gan im, Domhnach Cásca gan arán, sin é an bothán lom.
  3. Lá Nollag go péacach, Lá’l Stiofáin ag iarraidh déirce.
  4. Lá Nollag ar an Déardaoin beidh an geimhreadh stoirmiúil lom ach beidh an samhradh tirim fial is beidh arbhar is eallach le díol. Lá Nollag ar an Aoine is beidh an t-earrach ar bheagán daoine.
  5. Oíche Nollag Mhór mo chuid ar an stól, Oíche Nollag Bheag, mo chuid ar an sop.
  6. Bia is deoch i gcomhair na Nollag, éadach nua i gcomhair na Cásca.
  7. Is maith an bhliain dá dtig Nollaig i dtús gealaí ach ina claochlú má thig, bíonn an bhliain sin gan rath.
  8. Nollaig in aghaidh na míosa, Cáisc in aghaidh na seachtaine, agus lá saoire gach re lá [ag leadaí].
  9. Nollaig na bhfear Nollaig mhór mhaith, Nollaig na mBan Nollaig gan rath.
  10. Is úr braoinín na Nollag ach ní thagann fuacht go hearrach.
  11. Is fearr Aifreann romhat ná dhá Aifreann i do dhiaidh.
  12. Nollaig ghrianmhar a dheineann reilig bhiamhar.

Léigh tuilleadh sa rannóg seo 'Tuairimíocht'

Fág freagra ar '‘Lá Nollag go péacach, Lá’l Stiofáin ag iarraidh déirce’ agus 11 seanfhocal eile don fhéile'

I mBéal an Phobail

Bus Eireann 0925