‘Tá mé ag súil le ham a chaitheamh le mo bhuachaillí áille agus a bheith ag scríobh’

An bhfuil aon rún agat don bhliain 2024?

Leanacht le forbairt an togra scannánaíochta nua atá idir lámha agam.

Céard é an rud is mó a bhfuil tú ag súil leis in 2024?

Am a chaitheamh lenár mbuachaillí áille! Agus a bheith ag scríobh!

Céard é an rud is mó nach bhfuil tú ag súil leis in 2024?

Ag péinteáil ár dtí!

Céard é an t-imeacht is mó a bhfuil tú ag súil leis in 2024?

Ag dul chuig Monart Spa den chéad uair le mo bhean chéile, Cleona, i mí Eanáir! Agus ceolchoirm Lankum mí Meithimh!

Cén chúis dóchais is mó atá agat don bhliain 2024?

Tá sé deacair a bheith ródhóchasach faoi chúrsaí le gach rud atá ag tarlú ar fud an domhain, go háirithe an tragóid atá ag titim amach sa Phalaistín, ach ar bhonn pearsanta is iad ár bpáistí an chúis dóchais is mó a bhíonn agam chuile bliain. Is iontach agus is álainn an rud é breathnú orthu ag fás agus ag foghlaim.

Céard é an rud is mó ba mhaith leat a bhaint amach in 2024?

Fás ionam féin mar dhuine agus mar ealaíontóir.

Dá bhféadfá rud amháin a athrú faoi shaol na hÉireann in 2024, céard a d’athrófá?

Go mbeadh muid níos tuisceanaí mar shochaí.