Sa Bhaile
Aifric Mac Aodha
Tá, in Éirinn,
bean anois ann
a léann sleachta
d’athair a leannáin,
ceann na leapan
ag fógairt uirthi
labhairt amach,
nach labhrófá amach,
is a chaitheann go minic
sa chlinic iomlán an lae
le hiníon bhán an ghrá sin
nuair a atann a béal le cealg.
Aicise tá agus níl
imeacht uaidh —
dá fhad a glúin féin
ón nglúin foirtil,
is díobh í, ar deireadh,
an bhantracht a phlúchadh
glór a bhfear
le hárais tí an doirtil.
‘Ní chloisim thú, John M,’
a deireadh a mamó,
an t-uisce á bhrostú
d’aon turas aici
is í ag caochadh a súile
le cual na tine
mar a bheadh pearsa ann
i sobal tuaithe.
Fág freagra ar 'DÁN DO LÁ IDIRNÁISIÚNTA NA mBAN: ‘Is díobh í, ar deireadh, an bhantracht a phlúchadh glór a bhfear…’'