Bhi aoibhneas ar aghaidheanna na ndaltaí nua ag Scoil Mhic Dara, An Cheathrú Rua inniu agus iad ar a mbealach isteach go dtí an scoil den chéad uair. Pictiúir: Seán Ó Mainnín
Sásta agus sona go leor a bhí scoláirí Scoil Chuimsitheach Chiaráin na Ceathrún Rua nuair a fuair siad a gcéad amharc ar a gcuid torthaí Ardteiste. Pictiúir sa scoil ag Seán Ó Mainnín
Ní taobh le Ed Sheeran a bhí ag Fleadh Cheoil na hÉireann 2025 i mbaile Loch Garman an tseachtain seo caite. Bhí beagnach trí cheathrú milliún duine ansin i rith na seachtaine. Pictiúir ó na sráideanna agus ón stáitse ag Seán Ó Mainnín
Bhí neart craic, ceoil, amhránaíochta agus daoine Tigh Mheaic i gCarna le déanaí nuair a sheol an file agus scríbhneoir Micheál Ó Cuaig an t-albam dúbailte, 'Anáil an Dúchais' - amhráin thraidisiúnta Chonamara le Bríd Ní Mhaoilchiaráin. Cló Iar-Chonnacht a d'fhoilsigh. Pictiúir: Seán Ó Mainnín
Taispeánadh an scannán 'Caoineadh Airt Uí Laoire' le Bob Quinn i Seanscoil Sailearna, Indreabhán, Conamara, Déardaoin seo caite mar chuid de Fhleadh Scannán na Gaillimhe. Rinne Ard-Stiúrthóir TG4, Deirdre Ní Choistín, plaic a nochtadh agus chuaigh na haisteoirí agus an criú a bhí i láthair siar bóithrín na smaointe. Club Scannán Sailearna a chuir an ócáid chuimhneacháin ar bun le tacaíocht ó TG4. PIctiúir: Seán Ó Mainnín
Ba léiriú ar thionchar Mháirtín Uí Chadhain i gcónaí na sluaite a d'fhreastail ar Stiúideo Cuan, An Spidéal an Satharn seo caite, áit ar sheol Máire Ní Neachtain, Dúchan, blúirí ó fhoclóir duine de mhórscríbhneoirí na Gaeilge. Is togra é de chuid Foclóir Stairiúil na Gaeilge in Acadamh Ríoga na hÉireann. Pictiúir: Seán Ó Mainnín
Rinne Dara Calleary, TD, an tAire Coimirce Sóisialaí agus an tAire Forbartha Tuaithe agus Pobail, agus a Shoilse Dennis King, Ambasadóir Cheanada chun na hÉireann, gradaim a bhronnadh an Aoine seo caite mar chuid de Chlár Gaeilge Fhondúireacht Ollscoile na hÉireann agus Cheanada (ICUF), a bhí ar siúl ag Acadamh na hOllscolaíochta Gaeilge ar an gCeathrú Rua, Conamara. Pictiúir: Seán Ó Mainnín
Sheol an tOllamh Alan Titley eagrán 13 de An Reiviú in Áras na Gaeilge, Ollscoil na Gaillimhe ale déanaí, Tá suas le scór go leith aiste in eagrán na bliana seo, aistí a phléann le teagasc agus litríocht na Gaeilge, an phleanáil teanga, an teangeolaíocht agus an tsochtheangeolaíocht i measc rudaí eile. Pictiúir: Seán Ó Mainnín
An t-imreoir rugbaí clúiteach Bundee Aki a sheol an rás Inis Iron Meáin le déanaí agus bhí neart réaltaí eile ann, ina measc na lúthchleasaithe Oilimpeacha Sonia O'Sullivan agus Rob Heffernan. Pictiúir: Seán Ó Mainnín
Bhí damhsóirí óga Scoil Rince Ré Órga as Conamara, arb as Carna, Ros Muc, Ceantar na nOileán agus Uachtar Ard iad, fíorshásta páirt a ghlacadh den chéad uair in Oireachtas Rince na Cruinne a reáchtáladh le déanaí in Ionad an Comhdhála, Baile Átha Cliath. An Coimisiún le Rincí Gaelacha a d'eagraigh an ócáid a mheallann na céadta damhsóir ó thíortha i bhfad is i gcéin. Pictiúir: Seán Ó Mainnín
