Agus tús curtha leis an tSraith Náisiúnta Iomána an tseachtain seo caite, beidh peileadóirí idirchontae na tíre ag dul chun páirce inniu agus amárach den chéad uair i mbliana.
Cé go mbeidh foirne áirithe ag iarraidh staidéar a dhéanamh ar chúrsaí le linn na sraithe agus díriú ar an gcraobh, a mhalairt atá fíor do roinnt mhaith eile agus is iad na seachtainí amach romhainn an chuid is tábhachtaí den bhliain acusan.
Tá an tsraith ciorraithe go mór i mbliana de dheasca na dianghlasála agus gan ach trí chluiche ag gach foireann chun na babhtaí ceannais a bhaint amach.
I Roinn 1 Thuaidh mar shampla, mar a bhfuil Dún na nGall, Ard Mhacha, Tír Eoghain agus Muineachán, tá gach seans ann go mbeidh cuid de na foirne céanna ag tabhairt aghaidh ar a chéile i gCraobh Uladh. Ach má dhéantar iarracht an bob a bhualadh ar na foirne eile le linn na sraithe agus gan iarracht rómhór a dhéanamh, d’fhéadfadh titim go dtí Roinn 2 a bheith i ndán dóibh.
An dúshlán atá ann do lucht bainistíochta na bhfoirne ná an chothromaíocht cheart a fháil.
Roinn 1 Thuaidh
Roinn 1 Theas
Roinn 2 Thuaidh
Roinn 2 Theas
Fág freagra ar 'Ár gcéad amharc ar a bhfuil i ndán do na foirne peile is fearr sa tír'