San eagrán is déanaí de ‘Paiste cainte ag Helen Ní Shé…’, chuaigh Helen go dtí Luimneach chun labhairt le hÉamon Ó Siochrú, ó Bhaile an Ghóilín i gCorca Dhuibhne ó dhúchas, a chaith trí thréimhse ar dualgas sa Liobáin nuair a bhí sé in arm na hÉireann, in 1981-82, 1985-1986 agus in 2007-2008.
Labhair an t-iarchoirnéal agus iarthaidhleoir le Helen faoi na tréimhsí sin agus faoin gcinneadh a dhein na Náisiúin Aontaithe le déanaí deireadh a chur in 2027 le misean síochána fadbhunaithe arm na hÉireann sa Liobáin. Údar mór imní d’Éamon an cinneadh sin.
Labhraíonn siad faoi cheist an Mheánoirthir, faoi léamh Éamoin ar chás na Palaistíne agus a bhfuil i ndán do mhuintir na Palaistíne.
Ar deireadh pléann siad ceist neodracht na hÉireann agus an caiteachas a dhéanann an stát ar chúrsaí cosanta.
Sraith speisialta agallamh ó ‘An Pod Gaeilge’ í ‘Paiste Cainte ag Helen Ní Shé’ ina labhraíonn an sárchraoltóir le daoine éagsúla faoina scéalta éagsúla. Podchraoladh ó Tuairisc, seirbhís nuachta ar líne na Gaeilge, é ‘An Pod Gaeilge’. Tabhair cuairt orainn ag www.tuairisc.ie.
Fág freagra ar 'Paiste cainte ag Helen Ní Shé le hÉamon Ó Siochrú – ‘Níor cheart sinn a thógáil as an Liobáin, tá imní orm gur Gaza eile a bheidh ann’'