Imeacht gan tuairisc oraibh, mar a dúirt Barnier leis na Sasanaigh…

Creidim i gcónaí nach mór leaganacha nua a chur sa chaint má tá an Ghaeilge le maireachtáil. Seo roinnt eile acu a tháinig chugam an oíche faoi dheireadh nuair a bhuail tinfeadh ón Spiorad Naomh mé.

1. An té nach bhfuil láidir ní foláir dó cúrsa karate a dhéanamh.
2. Fanacht fada ar thralaí ospidéil.
3. Chomh cothrom le tráchtaire as an Independent ag cur síos ar Shinn Féin.
4. Sin é anois é,  mar a dúirt an bhean tí  nuair a leag sí uaithi an folúsghlantóir.
5. Uibheacha siopa níos mó,  a dúirt cailín an bhaile mhóir nuair a chonaic sí cearc ag breith uibhe.
6. Imeacht gan tuairisc oraibh,  mar a dúirt Barnier leis na Sasanaigh.
7. D’fhág sé iad mar a d’fhág Ismay an Titanic.
8. Go n-éirí go geal leat, mar a dúirt an sweep (glantóir simléar) lena mhac.
9. Ní scuabfaidh an computer an t-urlár dhuit… mar a dúirt bean as Carna le hiníon comharsan a bhí ag déanamh gaisce go raibh cúrsa ríomhaireachta críochnaithe aici.

Bígí ag cumadh libh!