Tá Gradam Sheosaimh Uí Ógartaigh buaite ag Ionad Siopadóireachta na Faiche Móire. Bhronn an tAire Stáit do Ghnóthaí Gaeltachta, Seán Kyne, gradaim éagsúla Ghaillimh le Gaeilge in Óstán Bhóthar na Trá anocht.
Bhí 12 gnólacht istigh ar na catagóirí ar fad do na gradaim, a thugann aitheantas do ghnólachtaí a chuireann an Ghaeilge chun cinn i gcathair na Gaillimhe.
Bhuaigh Ionad Siopadóireachta na Faiche Móire an mhórdhuais — pacáiste fógraíochta €2,000 sa Galway Advertiser, príomhurraitheoir na nGradam, chomh maith le pacáiste fógraíochta ar TG4 agus sraith ceardlann gnó.
Galway’s New #Tribe 2017-winner of Gradam Sheosaimh Uí Ógartaigh is Ionad na Faiche Móire/Eyre Square Centre. Comhghairdeas leo! #GradamGleG pic.twitter.com/WnmWCMeych
— Gaillimh le Gaeilge (@GaillimhGaeilge) May 15, 2017
Tá tábhacht ar leith ag baint le bronnadh Ghradaim Sheosaimh Uí Ógartaigh i mbliana ó tharla go bhfuil an eagraíocht teanga ag ceiliúradh 30 bliain a bunaithe. Tá Gradaim Sheosaimh Uí Ógartaigh 15 bliain ar an bhfód i mbliana.
“Bíonn muid ag tnúth go mór leis an ócáid seo chuile bhliain mar go dtugann sí deis dúinn an obair mhór dhátheangach atá déanta ag gnólachtaí agus ag eagraíochtaí na cathrach a thaispeáint agus a cheiliúradh. Is díol suntais an éagsúlacht mhór gnólachtaí a ghlacann páirt sa Ghradam, chomh maith leis an bhfiuchadh foinn agus an fuinneamh diongbháilte a chruthaítear agus gnó dátheangach á chruthú acu.
“Is cinnte go dtugann sé ardú croí agus misneach d’fhoireann Ghaillimh le Gaeilge. Spreagann sé muid cur le húsáid na Gaeilge i gCathair Dhátheangach na hÉireann agus a cáil mar Phríomhchathair Chultúir na hEorpa 2020 a threisiú tuilleadh,” a dúirt Bríd Ní Chonghóile, Ardfheidhmeannach Ghaillimh le Gaeilge.
Duaiseanna den scoth ag dul chuig Ionad na Faiche Móire ó @galwayad, @TG4TV, @aroebusiness, @GalwayChamber, @UdarasnaG, míle buíochas leo pic.twitter.com/clW9Z5XDWe
— Gaillimh le Gaeilge (@GaillimhGaeilge) May 15, 2017
Ba iad na buaiteoirí sna rannóga eile i mbliana:
Miondíol, urraithe ag Galway Bay FM:
Ionad Siopadóireachta na Faiche Móire
Turasóireacht agus Fáilteachas, urraithe ag Fáilte Éireann:
The Connacht Hotel
Seirbhísí, urraithe ag Snap Galway:
Lorg Media
Comhlachtaí Eile, urraithe ag Acadamh na hOllscolaíochta Gaeilge:
Carey Developments
Fág freagra ar 'Buaiteoirí Ghradaim Sheosaimh Uí Ógartaigh fógartha sa Ghaillimh'