GAILEARAÍ: Leabhar nua seolta agus aifreann ceiliúrtha easpaig do 50 bliain de Scoil Chuimsitheach Chiaráin…

Rinne Easpag Dheoise Chill Dalua Fionntán Ó Monacháin Aifreann ceiliúrtha 50 bliain Scoil Chuimsitheach Na Ceathrún Rua a léamh. Seoladh leabhar sa scoil ina dhiaidh chomh maith. Pictiúir le Tuairisc.ie

GAILEARAÍ: Leabhar nua seolta agus aifreann ceiliúrtha easpaig do 50 bliain de Scoil Chuimsitheach Chiaráin…

Bhí an-oíche ar an gCeathrú Rua ar an Aoine an 2 Nollaig nuair a chruinnigh iarscoláirí agus iarmhúinteoirí i halla Scoil Chuimsitheach Chiaráin áit ar sheol iarcheannaire RTÉ Raidió na Gaeltachta, Tomás Mac Con Iomaire Scoil Chuimsitheach Chiaráin: Caoga Bliain ag Fás in eagar ag Cormac Ó Comhraí, leabhar nua ag comóradh caoga bliain ó bunaíodh an scoil i 1966. Insítear scéal na scoile sa leabhar nua trí phictiúirí agus trí chuimhní cinn na n-iarscoláirí agus na n-iarmhúinteoirí. 

Is sa mbliain 1966 a d’oscail Scoil Chuimsitheach Chiaráin a doirse den chéad uair. Os cionn 300 scoláire a bhí ann ón tús. Chosain an scoil nua £200,000, suim ollmhór ag an am. Bhí an scoil chuimsitheach seo ar cheann de na chéad trí scoil chuimsitheacha sa tír. I mbaile Shionainne i gContae an Chláir agus i Muinchille i gContae an Chabháin a bhí dá cheann eile. Ba í scoil Shionainne ba thúisce a d’oscail na doirse, achar gearr roimh an dá scoil eile. 

Ag labhairt dhó ag an seoladh dúirt Tomás Mac Con Iomaire gur chinntigh an t-oideachas a cuireadh ar fáil i Scoil Chuimsitheach Chiaráin le leathchéad bliain anuas go bhfuil pobal áitiúil sa gceantar a bhfuil oideachas den scoth orthu agus daoine ar féidir leo fostaíocht a bhaint amach agus a chruthú ina gceantar féin agus ceannasaíocht a thabhairt ina bpobal féin. 

“B’í an chinniúint a bhí i ndán do phobal na ite caoga bliain ó shoin ná an bád bán a thógáil go Sasana. Anois tá smacht ag an bpobal seo ar a gcinniúint féin agus tá sin le n-aithneachtáil san réimse leathan postanna atá ag iarscoláirí na scoile go itiúil, ar fud na tíre agus ar fud an domhain,” a dúirt Mac Con Iomaire, ar iarscoláire de chuid Scoil Chuimsitheach Chiaráin é freisin. 

Roghnaíodh An Cheathrú Rua mar ionad don scoil nua mar gheall ar an daonra ard san áit agus an daonra ard a bhí i bhfoisceacht deich míle den áit. Chaith na mílte scoláirí agus na céadta ball foirne seal ann in imeacht leathchéad bliain ó osclaíodh na doirse den chéad uair. 

Tá an leabhar nua lomlán le grianghrafanna a tógadh ag imeachtaí éagsúla ag an scoil i gcaitheamh na mblianta agus grianghrafanna a chuir iarscoláirí agus iarmhúinteoirí ar fáil don eagarthóir Cormac Ó Comhraí atá ina mhúinteoir le stair sa scoil ón mbliain 2007.  

Dúirt Ó Comhraí go bhfuil súil aige go dtabharfaidh an leabhar seo muintir an cheantair siar ar bhóithrín na smaointe. “Tá cur síos ann ar laethanta atá imithe, ar an obair a rinne an pobal, na scoláirí agus foireann na scoile ar son an oideachais sa gceantar. Tá cur síos ann freisin ar an spraoi agus an spórt, ar éachtaí agus ar chairdeas. Feiceann muid, i bhfocail na ndaoine féin, go dtagann athrú ar chúrsaí an tsaoil ach nach dtagann ar an nádúr daonna.  Is minic ráite gur aoibhinn beatha an scoláire, féadfaidh daoine a dtuairim a thabhairt tar éis an leabhair seo a léamh.” 

Ba mhór an tionchar a bhí ag Scoil Chuimsitheach Chiaráin ar an gceantar le caoga bliain a dúirt Príomhoide na scoile, Seán Mac Donncha. “Chuir foilsiú an leabhair seo pobal na scoile agus an cheantair ar fad ag cuimhniú ar scéalta, ar eachtraí agus ar chairdeas agus is comóradh cuí é an leabhar breá seo ar na cuimhní sin. Is iontach na deiseanna a thug an scoil do mhuintir an cheantair, mé féin san áireamh, le leathchéad bliain. Go maire muid an céad.”

An tEaspag Fiontán Ó Monacháin ag léamh an Aifrinn
An tEaspag Fionntán Ó Monacháin ag léamh an Aifrinn

 

Ag glacadh le siombail na scoile
Ag glacadh le siombail na scoile

 

 

Duine de na hamhránaithe ag an Aifreann
Duine de na hamhránaithe ag an Aifreann

 

Deireadh an Aifrinn
Deireadh an Aifrinn

 

Ag bualadh leis an bpobal
Ag bualadh leis an bpobal ina dhiaidh

 

An tEaspag Ó Monacháin le Tomás Mac Eoin agus an tAthair Ciárán de Bláca, sagarth paroiste Na Ceathrún Rua
An tEaspag Ó Monacháin le Tomás Mac Eoin agus an tAthair Ciárán de Bláca, sagart paróiste na Ceathrún Rua

 

An leabhar
Seoladh an leabhair faoi 50 bliain na scoile

 

Cormac Ó Comhraí leis an leabhar "Scoil Chuimsitheach Chiaráin, 50 Bliain ag Fás" a seoaldh sa scoil an Aoine seo caite (2 Nollaig)
Cormac Ó Comhraí leis an leabhar Scoil Chuimsitheach Chiaráin, 50 Bliain ag Fás

 

Iarscoláirí Áine Ni Neachtain, Eibhlín de Bhailís agus Cathy Mhic Gearailt
Iarscoláirí: Áine Ni Neachtain, Eibhlín de Bhailís agus Cathy Mhic Gearailt

 

"Féach ar sin"
‘Breathnaigh air sin!’

 

Caitríona Uí Bhéarra, sa lár, a sheol an tsraith leabhar "Horrid Henry" aistrithe go Gaeilge mar "Dónall Dána" ar an gCeathrú Rua, Co na Gaillimhe Dé hAoine an 2 Nollaig. In aice le Caitríona tá na haistritheoirí féin, ó chlé: Gormfhlaith Ní Thuairisg, Caitlín Ní Chualáin, Máírín Ní Ghadhra agus Marion Ní Shúilleabháin. Pic: Seán Ó Mainnín
Caitríona Uí Bhéarra, sa lár, a sheol an tsraith leabhar ‘Horrid Henry’, aistrithe go Gaeilge mar Dónall Dána. In aice le Caitríona tá aistritheoirí na sraithe. Ó chlé: Gormfhlaith Ní Thuairisg, Caitlín Ní Chualáin, Máírín Ní Ghadhra agus Marion Ní Shúilleabháin

 

Brian Mac Donncha, Niamh Ní Loideáin agus Sheona Ní Mháille
Brian Mac Donncha, Niamh Ní Loideáin agus Sheona Ní Mháille

 

Daltaí Chloe Ní Dhroighneáin agus Fiona Ní Ghríofa
Daltaí Chloe Ní Dhroighneáin agus Fiona Ní Ghríofa

 

An seoaldh
An seoladh

 

Daltaí scoile Orlaith Ní Chonghaile agus Aoife Ní Lochlainn
Orlaith Ní Chonghaile agus Aoife Ní Lochlainn

 

Caithríona Uí Bhéarra ag seoladh "Dónal Dána" aistrithe ón leagan Béarla "Horrid Henry"
Caitríona Uí Bhéarra ag seoladh na sraithe Dónal Dána

 

Na trí phríomhoide: an t-iarphríomhoide Mairtín Ó Conghaile, ar ché agus Tomás Ó Monacháin ar dheis le príomhoide reatha Scoil Chuimsitheach Chiaráin Seán Mac Donncha
An triúr príomhoidí: Na hiarphríomhoidí Mairtín Ó Conghaile, ar chlé, agus Tomás Ó Monacháin ar dheis, le príomhoide reatha Scoil Chuimsitheach Chiaráin Seán Mac Donncha idir eatarthu

 

Tomás Mac Con Iomaire ag seoaldh an leabhair
Tomás Mac Con Iomaire ag seoladh an leabhair

 

Ag léamh ar gcúl
Ag léamh go ciúin

 

Siobhán Uí Loideáin, Orla Nic Dhonncha, Bríd Mhic Dhonnacha agus Mairéad Uí Chatháin
Siobhán Uí Loideáin, Orla Nic Dhonncha, Bríd Mhic Dhonnacha agus Mairéad Uí Chatháin

 

Iar-imreoirí foireann cispheile SCC, ó chlé: Áine Nic Dhgonncha, Helen Uí Dhunáird, Bríd Ní Liatháin, Eileen Nic Dhonncha, Mairtín Mac Con Iomaire, coachálaí; Bríd agus Maria Nic Dhonncha
Iar-imreoirí agus cóitseálaithe fhoireann cispheile SCC, ó chlé: Áine Nic Dhonncha, Helen Uí Dhunáird, Bríd Ní Liatháin, Eileen Nic Dhonncha, Mairtín Mac Con Iomaire, Bríd agus Maria Nic Dhonncha