Tá sraith de phictiúir nua ón aer den Láithreán Oidhreachta Domhanda ag Brú na Bóinne i gCo na Mí foilsithe inniu ag an Roinn Cultúir, Oidhreachta agus Gaeltachta.
Thug an tAire Josepha Madigan le fios go ndearna sí coimisiúnú ar na pictiúir nua, a tógadh le dróin os cionn an tsuímh an tseachtain seo caite, de bharr fianaise sheandálaíochta nua a bheith tagtha chun cinn sa gceantair mar thoradh ar an dea-aimsir le tamall anuas.
Ábhar mór iontais iad na pictiúir nua, dar leis an Aire Madigan. Nochtann siad ‘fianaise a bhí faoi rún’ agus ‘i bhfolach sa tírdhreach leis na mílte bliain’, dar léi.
Dúirt an tAire go dtógfaidh sé roinnt ama ar Sheirbhís na Séadchomharthaí Náisiúnta tuiscint iomlán a fháil ar a bhfuil le feiceáil sna pictiúir nua a thugann léargas ar shibhialtacht a bhí an-fhorbartha.
Ba í an tréimhse fhada d’aimsir thirim a chruthaigh an deis leis na hiontais seandálaíochta seo a fheiceáil, dar leis an Aire. “Is olc an ghaoth nach séideann maitheas do dhuine éigin,” a dúirt sí.
Fág freagra ar 'GAILEARAÍ: Pictiúir nua ón aer de láithreán Bhrú na Bóinne foilsithe ag Seirbhís na Séadchomharthaí Náisiúnta'