RTÉ agus fear Sky News in adharca a chéile faoi Shaoirse Ronan agus na ‘British Isles’

Tá ceacht teanga agus tíreolais tugtha ag foireann rannóg siamsaíochta RTÉ d’iriseoir Sasanach de chuid Sky News.

D’fhoilsigh RTÉ Ten alt níos túisce inniu mar gheall ar an scéal go ndúirt Richard Suchet ar fheaschán nuachta “I think we can take Saoirse Ronan as one of ours. She’s in Brooklyn, she’s nominated”.

D’fhreagair Suchet cuntas @RTE_TEN tráthnóna agus é ag maíomh gur “from the British Isles” atá Ronan, a rugadh i Meiriceá agus a tógadh i gContae Cheatharlach.

@RTE_TEN She’s from the British Isles & whether you like it or not, Brits will be willing her to win. Glad you got an article out of it tho.

— Richard Suchet (@SkySuchet) January 8, 2016

Ghabh cuntas @RTE_TEN buíochas le Suchet as an tacaíocht ach leag béim ar náisiúntacht an aisteora.

@SkySuchet Obviously all the support for her is greatly appreciated, but at the end of the day she is still Irish after all. — RTÉ TEN (@RTE_TEN) January 8, 2016

Chroch Suchet giolc eile inar mhínigh sé go mbreathnódh go leor Briotanach uirthi mar dhuine dá ndream féin agus mhaígh gur “moladh” a bhí ann ‘Briotanach’ a thabhairt ar an aisteoir Éireannach.

@RTE_TEN of course she is. But many Brits will still see her as one of their own. It’s a consequence of geography. A compliment I’d say.

— Richard Suchet (@SkySuchet) January 8, 2016

Is ansin a tugadh an ceacht teanga agus tíreolais don iriseoir Sasanach ar chuntas an chraoltóra Éireannaigh.

@SkySuchet Saoirse is ainm di. Irony — RTÉ TEN (@RTE_TEN) January 8, 2016

Ainmníodh Saoirse Ronan do ghradam Golden Globe dá ról sa scannán Brooklyn, a bunaíodh ar leabhar leis an údar Éireannach Colm Tóibín. Scéal Éireannach mná a chuaigh ar imirce sna 1950idí atá i Brookyln, agus tá Ronan mar rogha na coitianta do na Acadamy Awards i gceann míosa.