Raidió na Gaeltachta – Scoth na gclár (21-26 Nollaig)…

Súil chun cinn ar chuid de na cláracha is fearr a bheidh ar Raidió na Gaeltachta le linn fhéile na Nollag. Seo togha na rogha don tréimhse 21-26 Nollaig...

Raidió na Gaeltachta – Scoth na gclár (21-26 Nollaig)…

Rónán Beo @3

Inniu, beidh Rónán Mac Aodha Bhuí agus a chriú i dTigh Sheáin Óig i nGaoth Dobhair do chóisir mhór na Nollag. Beidh ceol beo, craic agus duaiseanna acu ó 3 pm go 5 pm.

Bláthnaid Libh

Dé Sathairn, 22 Nollaig, 10.15 am

Beidh cóisir mhór na Nollag ag Bláthnaid Ní Chofaigh beo ón Lárionad Raidió le ceol ó Chormac de Barra agus Moya Brennan i measc daoine eile. Déanfar ceiliúradh ar theaghlaigh na nGael i mBaile Átha Cliath ar eagrán seo na Nollag den chlár. Beidh bronntanais le baint agus go leor spraoi ann chomh maith. 


 

Ceolchoirm na Nollag

Dé Máirt, 25 Nollaig, 7 pm

Taifeadadh an cheolchoirm seo beo i Séipéal Chill Treasa i Ros an Mhíl níos luaithe sa mhí. Beidh scoth an cheoil le cloisteáil ó leithéidí Chór Chois Fharraige, Neansaí Ní Choisdealbha, Tommy Mellett, Liz Kane, agus Luisne Ní Neachtain, i measc go leor eile. Chomh maith leis sin beidh scéalaíocht agus píosaí cainte ó Mhicheál Mac Con Iomaire agus Máirín Mhic Lochlainn. Ba é Brian Terry Mac Donnchadha a bhí ina fhear an tí. Láithriú agus léiriú le hEibhlín de Bhailís. 


 

An Saol ó Dheas

Dé Céadaoin, 26 Nollaig, 12.08 pm

Blaiseadh den oíche ómóis a bhí ar siúl mar chuid d’fhéile IMRAM na bliana seo do Liam Ó Muirthile, an scríbhneoir, file, drámadóir agus craoltóir a d’imigh ar shlí na fírinne i mí Bealtaine.  Páirteach san ócáid bhí Louis de Paor, Ailbhe Ní Ghearbhuigh, Philip King, Diarmuid de Faoite, Alan Titley, Peadar Ó Riada, Claire Ní Mhuirthile, Dairena Ní Chinnéide agus Máire Ní Chéileachair. 

Fág freagra ar 'Raidió na Gaeltachta – Scoth na gclár (21-26 Nollaig)…'