Tá cáineadh déanta ag feisire de chuid Pharlaimint Westminster ar láithreoir de chuid an BBC a labhair amach ar son na Breatnaise.
Scaip Huw Edwards, léitheoir nuachta aitheanta, scéal ó shuíomh nuachta an BBC a rinne cur síos ar achainí nach n-aistreofaí logainmneacha Breatnaise go Béarla.
Dúirt Edwards ar Twitter go raibh a leithéid ag tarlú ar feadh na mblianta sa Bhreatain Bheag agus nach raibh tada déanta faoi. Dúirt sé go raibh cuid de na haistriúcháin a bhí déanta ón mBreatnais go Béarla gránna ar fad.
??????? It’s been going on for years — with some really gruesome and offensive examples — and virtually nothing’s been done about it — “Wales ‘losing its heritage’ with name changes” https://t.co/gWythiGKS5
— Huw Edwards (@huwbbc) June 24, 2020
Bhí Chris Bryant MP, feisire de chuid Pháirtí an Lucht Oibre do cheantar Rhondda i ndeisceart na Breataine Bige, den bharúil nár cheart d’Edwards a thuairim phearsanta faoin scéal a roinnt. Mheas Bryant, ball de Pháirtí an Lucht Oibre, nár cheart don BBC ligean d’iriseoirí de chuid an chraoltóra a dtuairimí pearsanta a thabhairt.
Níor ghéill Edwards, áfach. Dúirt sé mar fhreagra gur cainteoir Breatnaise é féin agus go raibh sé ag seasamh an fhóid ar son a n-oidhreacht chultúrtha. Dúirt sé gur chóir go mbeadh meas ag daoine ar chultúir mionlaigh sa lá atá inniu ann.
Oh Chris. I’m a Welsh speaker standing up for my cultural heritage. We live in an age when minority cultures are meant to be respected. I’m genuinely sorry that offends you. ??????? https://t.co/O87IJnDvtm
— Huw Edwards (@huwbbc) June 24, 2020
Gabriel Rosenstock
Tá sé dainséarach tuairimí pearsanta a bheith agat, nach bhfuil?
An Stail Aduaidh
Níl aon teora le hainnis agus tiarnúlacht na Sasanach nuair a chuirtear i gcuimhne dhóibh nach Sasanach é an tÉirinneach, an Breatnach ná an tAlbanach.
Is beag athrú atá tagtha ar a meon san ó ré na himpireachta. Go mbeire an diabhal ón ndúithigh an meon san!