Raic faoi chinneadh an Scottish FA Gáidhlig a chur ar leathanach Twitter

Lá na Gáidhlig atá ann ar Twitter inniu agus lá breithe Bhanríon Shasana atá ann chomh maith…

Pádraic Ó Ciardha

Déardaoin, Aibreán 21 2016 ag 12:34 pm

Tá sé ina raic ar na meáin shóisialta faoi chinneadh an Scottish FA sonraí a leathanaigh Twitter a aistriú do Lá na Gáidhlig.

Lá na Gáidhlig atá ann ar Twitter inniu agus mar cheiliúradh ar an méid sin, bheartaigh an Scottish FA sonraí a leathanaigh Twitter féin a aistriú go Gáidhlig don lá.

Thionndadh sinn ar duilleag Twitter gu #Gàidhlig mar phàirt de Latha Twitter na Gàidhlig! #TIML2016
— CB na h-Alba (@ScottishFA) April 21, 2016

Faraor, mar a tharlaíonn go minic ar na meáin shóisialta, tá ciall chontráilte bainte ag daoine as an scéal agus cáineadh déanta ar an SFA as ucht an tvuít a sheoladh. Is é inniu lá breithe Bhanríon Shasana chomh maith agus tá daoine ann a gceapann go raibh uisce faoi thalamh i gceist le cinneadh an SFA an teachtaireacht Gháidhlig a chur amach.

@TheLoudenTavern @ScottishFA on the queens birthday, coincidence ?? I think not. Glad your the only home nation that didn’t qualify 4 France
— 4 Men Had a DREAM (@WeKnowHeKnew) April 21, 2016

@ScottishFA @FIFAcom made political interference in football illegal? This is taking a political stance before an election #disgrace
— Tom McClure (@airman614) April 21, 2016

@ScottishFA to think of all the money me and my family spent supporting our national team, no more if this is all the respect you have
— Je Suis Billy Boys (@Kyle5haw) April 21, 2016

Is é costas an tsaothair atá ag cur as do roinnt daoine eile agus iad ag tabhairt amach faoin méid airgid atá ‘curtha amú’ ar an dá abairt i nGáidhlig.

@54Beats44 @ScottishFA and how much is this gimmick costing? Invest in grassroots, maybe then see national team at major finals.
— Albertz1974 (@Albertz1974) April 21, 2016

@ScottishFA The 5 speakers of this dead language will be enthralled. No money for decent hybrid pitch at Hampden, but money to do this pish!
— Mr T. Wood (@Thiepvalwood) April 21, 2016

Ar an dea-uair, tá daoine ann leis an taobh eile den scéal a thabhairt. Dúirt roinnt daoine gur maith ann an t-aitheantas don Gháidhlig agus moladh acu don SFA.