Tá sé fógartha ag Aire Stáit na Gaeltachta Seán Kyne go bhfuil deontais ar fiú €111,838 san iomlán iad ceadaithe d’ocht seirbhís cúram leanaí sa Ghaeltacht.
Dúirt an tAire Kyne go gcuideoidh na deontais leis na seirbhísí luathoideachais sa Ghaeltachta tacaíocht ‘phraiticiúil’ a chur ar fáil do theaghlaigh óga na Gaeltachta.
Dúirt an tAire Stáit go bhfuil “obair fhiúntach” ar bun “ag an ngréasán naíolann agus naíonraí ó cheann ceann na Gaeltachta ar feadh i bhfad chun cuidiú le teaghlaigh Ghaeltachta a bpáistí a thógáil le Gaeilge”.
“De thoradh an chúnaimh atá ceadaithe sa chás seo, beidh na seirbhísí luathoideachais atá i gceist in ann gníomhaíochtaí sa bhreis a reáchtáil – rud a thacaíonn le feidhmiú na Straitéise 20 Bliain don Ghaeilge, an phróisis pleanála teanga agus an pholasaí don oideachas Gaeltachta araon,” a dúirt Aire Stáit na Gaeltachta Seán Kyne.
Na deontais atá ceadaithe
Fág freagra ar 'Os cionn €110,000 ceadaithe do sheirbhísí cúram leanaí Gaeltachta'