Beidh Oíche Chultúir na bliana seo againn an Aoine bheag seo, an 20 Mean Fómhair 2024. Tá Oíche Chultúir 19 mbliana ar an bhfód, is ócáid náisiúnta í ina gceiliúrtar saibhreas agus éagsúlacht an chultúir in Éirinn. Ghlac 1.2 milliún duine páirt in imeachtaí Oíche Chultúir na bliana seo caite agus cuireadh 1,700 imeacht ar bun ar fud na tíre. Gné speisialta de na himeachtaí nach mbíonn aon táille ar an doras chun páirt a ghlacadh iontu.
Tá Oireachtas na Gaeilge ag tacú le gréasáin Ghaeilge timpeall na tíre chun imeachtaí a reáchtáil trí Ghaeilge Oíche Chultúir na bliana seo agus tá roinnt ócáidí á reáchtáil ag dreamanna eile chomh maith. Tá an tOireachtas ag tacú le 26 imeacht Gaeilge i 17 gcontae ar fud na tíre. Tá éagsúlacht iontach sna himeachtaí Gaeilge i mbliana – ceol traidisiúnta, ceardlanna, drámaíocht, turais threoraithe agus go leor eile.
Gach eolas maidir le himeachtaí Oíche Chultúir a bhfuil An tOireachtas ag tacú leo ar fáil anseo
Fág freagra ar 'OÍCHE CHULTÚIR: Neart imeachtaí Gaeilge ar siúl don Oíche Chultúir'