Cleas na Gealaí Úire
Sa bpáirt seo de Chontae na Gaillimhe nuair a fheiceann na daoine an ghealach nua déanann siad cleas. Seo mar a dhéantar an cleas sin. Nuair a fheiceas duine an ghealach nua caithfidh sé coinneáil ag dearcadh uirthi nó go mbí an rann seo ráite aige:
A Ghealach úire a thugann solas ar an
domhan i ngach tír
Inis dom más mé a bheas aige mar mhnaoi,
Más ar a theallach a bheas mo shuí,
Agus más ar a fheilm a bheas mo bhó,
Agus más é mo dhilchomrádaí é arís go deo
Ansin cuireann an duine trí shnaidhm ar a naipcín, agus iarrann sé trí impí éigin, agus bíonn sé ag cuimhneamh ar dhuine áirithe éigin. Nuair a fheiceas an duine seo an té a mbeidh sé ag cuimhneamh air, agus a éadan a bheith iompaithe leis deirtear go bpósfar iad. Ní ceart creideamh anseo mar níl ann ach seafóid.
Donnacha
Is ceart creideamh anseo, mar níl ann ach hoodoo dúchais na nGael…