Dá gcloisfeá nach raibh aon chlóic ar bhean ní hin le rá nár chuir sí uirthi a clóca ar fhágáil an tí di ar maidin. Níl aon mhairg uirthi is ciall leis.
D’fhéadfaí an focal clóic a úsáid ar na bealaí seo:
Dheamhan clóic orm ina dhiaidh (tar éis timpiste).
Dheamhan clóic a bhí air ag gabháil abhaile sa sneachta.
Ach d’fhéadfadh duine a bheith faoi smúid is faoi chlóic freisin – brónach, duairc.
Maidir leis an bhfocal mairg d’fhéadfá úsáid a bhaint as ar na bealaí seo:
Níl lá dá mhairg orm.
Is mairg nach mbíonn foighid aige.
Is mairg a d’iarrfadh ciall ar pháiste.
Is mairg a ligean a leas ar cairde.
Is iomaí rud a bhíonn ag cur mairge ar dhaoine saibhre.
Níl aon chlóic uirthi. Nach deas é?
Fág freagra ar 'NACH DEAS É? Níl aon chlóic uirthi…'