Ag éisteacht leis an ngála ag lascadh na fuinneoige a bhí mé nuair a chuimhnigh mé ar an líne sin as an amhrán An Caiptín Ó Máille: ‘D’ardaigh sé chun feochain is as sin chun gaoithe móire’.
Feochan a thugtar ar an ngaoth nuair a bhíonn sí ag séideadh go crua ina leathghála.
Tá míniú níos fearr air sa leagan seo:
Trí bhríos gála. Trí fheochan stoirm. Trí stoirm aircín (hairicín).
Lá a mbíonn gaoth an-mhór ann bíonn sé ina stoirm.
Gealstoirm í nuair a bhíonn tonnta bána ar an bhfarraige dá barr.
Is spéisiúil an úsáid a bhain Raiftearaí as an bhfocal feochan agus é ag moladh an uisce beatha:
Feochan a fháil ar maidin de
níl rud ar bith chomh breá leis,
is maith a rachadh gloine de
do dhuine a bheadh as a shláinte.
An Teanga Bheo
Fear farraige maith a bhí ann, agus sabháil sinn ar mhuir is ar thír
Seosamh Ó Cuaig
Ní thuigim é seo.