NACH DEAS É?: Dá mbeadh mileoidean agamsa, ní bheadh Críost gan cheol anocht…

Mír rialta ó scríbhneoirí éagsúla faoi nathanna cainte a thugann léargas ar shaibhreas, ar shaíocht agus ar aclaíocht na teanga

NACH DEAS É?: Dá mbeadh mileoidean agamsa, ní bheadh Críost gan cheol anocht…

Dá mbeadh mileoidean agamsa ní bheadh Críost gan cheol anocht,

Is é ag teacht ó áras bán a fhlaitheasa chuig an mainséar bocht.

Sin a dúirt Eoghan Ó Tuairisc ina dhán breá Nollag.

Is cuid dhlúth de cheiliúradh na Nollag an ceol agus canadh na n-iomann. Is bocht an eaglais a bhíonn gan ceol a deirtí.

Bhí mé ag cur síos ar an gceol cheana ar an suíomh seo ach seo tuilleadh faoi:

Buail suas streancán ceoil dhúinn.

Dá mbeadh spionnadh ar bith sa cheol—brí a bheith ann.

Tá croí breá sa gceol sin – ceol meidhreach

Chuir an ceol meidhir ionainn.

Níor chuala cluas samhail an cheoil sin.

Tá sé ag cur a chroí amach ag ceol.

Tá neart is ceol ann anois – tá misneach tagtha dhó.

Ceol na traonach sa ghort—an ceol a chuir an tseanbhó chun báis.

Bhí a cosa agus an ceol ar aon imeacht – damhsóir maith.

Is mairg nach mbaineann ceol as an óige, a fhad is a bhíos sí aige

Beidh ceol faoi seo – beidh neart cainte faoi.

Fág freagra ar 'NACH DEAS É?: Dá mbeadh mileoidean agamsa, ní bheadh Críost gan cheol anocht…'