Cá bhfágfadh sé é?
Dá gcloisfeá an chaint sin níor cheart duit a cheapadh go raibh rud eicínt le fágáil ag duine in áit eicínt agus nach raibh sé cinnte cén áit. Dá ndéarfaí leat gur slis den tseanmhaide é ní gá gur píosa de mhaide siúil a bheadh i gceist. Is éard a bheifí a chur i gcéill go ndeachaigh duine i gcosúlacht lena thuismitheoirí, go raibh na tréithe céanna ann.
Seo bealaí eile lena rá:
Thug sé as broinn é.
Ní ón ngaoth ná ón ngrian a thug sé é.
Thug sé leis ó dhúchas é.
Níor thréig sé a dhúchas.
Níor shéan sé a ghaol leo.
Níor thit an t-úll i bhfad ón gcrann ann.
An soitheach a mbíonn an fíon ann, fanann an mianach sa gclár.
Cuid den mhuc an t-eireaball.
Céard a dhéanfadh mac an chait ach luch a mharú?
Briseann an dúchas trí shúile an chait.
An rud a bhíonn sa gcú bíonn sé sa gcoileán.
Is treise dúchas ná oiliúint.
Cá bhfágfadh sé é? Nach deas é?
Sinéad Ní M
Cá bhfágfadh sé é? agus “Cuid den mhuc an t-eireaball” a ritheann liom i gcónaí. Ábhar machnaimh an cuid eile.