Beidh go leor de mhuintir na Gaeltachta ag triall ar chluichí móra peile an deireadh seachtaine seo agus Gaillimh, Maigh Eo, Dún na nGall agus Corcaigh ag iarraidh teacht slán go dtí babhtaí ceathrú ceannais Chraobh Peile na hÉireann 2023.
Beidh contae na Mí i bPáirc an Chrócaigh Dé Domhnaigh, mar a dtabharfaidh siad aghaidh ar Aontroim i gcluiche leathcheannais Chorn Tailteann ag 2pm.
Fógraíodh tráthnóna na sonraí do réamhbhabhtaí cinniúnacha ceathrú ceannais chraobh na hÉireann.
An Ghaillimh ag baile in aghaidh Mhaigh Eo i mBóthar na Trá Dé Domhnaigh cluiche mór an deireadh seachtaine.
Bhí an dá chontae ag barr a ngrúpaí roimh chluichí an lae inné ach chaill Gaillimh in aghaidh Ard Mhacha agus fuair Corcaigh an ceann is fearr ar Mhaigh Eo.
D’fhág sin nár chuaigh Gaillimh ná Maigh Eo díreach ar aghaidh go dtí na babhtaí ceathrú ceannais agus gur réamhbhabhta ceathrú ceannais atá rompu.
Bhí an dá chontae ar thosach an tslua do chraobh na hÉireann ag mórán ach beidh ceann acu imithe amach as an gcraobh tráthnóna Dé Domhnaigh.
Dé Sathairn, 24 Meitheamh
Corcaigh v Ros Comáin, Páirc Uí Chaoimh, 14.00 Cluichí Ceathrú Ceannais Chraobh Shinsir Iománaíochta na hÉireann 2023 An Clár v Baile Átha Cliath, Páirc na nGael, 16.00
Cill Dara v Muineachán, Páirc Uí Chonchúir, 16.45
Dún na nGall v Tír Eoghain, Bealach Féich, 19.00
Gaillimh v Tiobraid Árann, Páirc na nGael, Páirc na nGael, 18.15,
Dé Domhnaigh, 25 Meitheamh
Gaillimh v Maigh Eo, Bóthar na Trá, 3pm Cluichí leathcheannais Chorn Tailteann, Páirc an Chrócaigh An Mhí v Aontroim, 2pm, Páirc an Chrócaigh
An Dún v Laois, 4pm, Páirc an Chrócaigh
Beidh an cluiche ar siúl ag 3pm agus é beo ar RTÉ a hAon.
Beidh réamhbhabhta ceathrú ceannais mór ar siúl oíche Dé Sathairn i gCúige Uladh agus Dún na nGall, a bhuíochas dá mbua in aghaidh Mhuineacháin, ag tabhairt aghaidh ag 7pm i mBealach Féich ar Thír Eoghain, nár éirigh leo ach comhscór a fháil in aghaidh na hIarmhí inné.
Beidh Corcaigh ag baile ag 4.45pm i bPáirc Uí Chaoimh Dé Sathairn agus iad á fhéachaint le Ros Comáin a chaill a gcluiche grúpa deireanach in aghaidh Chill Dara inné.
D’fhág sin go mbeadh buntáiste an bhaile ag Cill Dara in aghaidh Mhuineacháin sna réamhbhabhtaí ceathrú ceannais, ach ó tharla go bhfuil Páirc Naomh Conlaith á hathchóiriú faoi láthair tá an buntáiste sin caillte acu.
Bhí cead ag Cill Dara ionad neodrach a mholadh don gcluiche agus Páirc Uí Chonchúir sa Tulach Mhór a roghnaigh siad. 2pm Dé Sathairn a thosóidh an cluiche ansin.
Tá Ciarraí, Baile Átha Cliath, Doire agus Ard Mhacha cáilithe cheana féin do na cluichí ceathrú ceannais.
Dé Domhnaigh a thabharfaidh contae na Mí aghaidh ar Aontroim i mbabhtaí leathcheannais Chorn Tailteann. Beidh an cluiche sin agus an cluiche leathcheannais eile idir contae an Dúin agus Laois ar siúl i bPáirc an Chrócaigh. Beidh an dá chluiche beo ar RTÉ 2.
Dé Sathairn a bheidh cluichí ceathrú ceannais na craoibhe iomána ar siúl i bPáirc na nGael i Luimneach.
Tabharfaidh Baile Átha Cliath aghaidh ar an gClár ag 4pm agus beidh an Ghaillimh agus Tiobraid Árann á fhéachaint le chéile sa dara cluiche ag 6.15 pm.
Beidh an dá chluiche beo ar RTÉ2.
Fág freagra ar 'Na sonraí fógartha do chluichí móra CLG an deireadh seachtaine'