MIONLÉIRMHEAS: Cathair an tSolais san India agus trioblóid san Úcráin

An chathair is beannaithe san India agus níos mó ná ainm amháin uirthi: Kashi, Varanasi, Benares, Cathair an tSolais. Is ann a thagann oilithrigh chun bás a fháil, mar a léirigh an grianghrafadóir Indiach Debiprasad Mukherjee is mé féin san aiste seo.

Mealltar go leor grianghrafadóirí ann, ina measc, Michael Ackermann a bhfuil eagrán úr dá leabhar End Time City ar fáil anois. Admhaíonn Michael – a rugadh in Iosrael – go smaoiníonn sé ar chúrsaí ama an t-am go léir. Ceanglaíonn grianghraif leis an am i láthair é, deir sé.

Tá tuilleadh faoi anseo.

Agóideoirí á mbeannú ag sagart san Úcráin

Trioblóid san Úcráin

Nuair atá an dá thaobh i gcoimhlint ar bith á mbeannú ag draoi, nó ministir, nó sagart, an gcealaíonn na beannachtaí sin a chéile? B’in ceann de na ceisteanna a chráigh ar scoil mé nuair a bhuail amhras mé faoi chúrsaí creidimh. An éisteann Dia na Trócaire leis an nguí ó dhá thaobh na coimhlinte? An ndéanann Sé an scéal a mheá? Ar éist Sé go grámhar le Cromail agus sléacht ar siúl aige i nDroichead Átha?

Dá gcuirfeá ceist ina thaobh, gheofá léasadh: ‘six of the best’. Nuair a smaoiním anois air, ba é an nath Gallda sin, ‘six of the best’, bunaithe ar an gcóras Sasanach, is mó a ghoill orm seachas an pionós féin.

Tá trioblóid san Úcráin – agus beidh. Tugann an grianghrafadóir Francach Jéróme Sessini an-léargas dúinn ar an trioblóid sin sa leabhar Inner Disorder:

Tuilleadh eolais anseo.