‘I got a B in my honours Irish 30 years ago. I try to use it in all my speeches’ – Aire na Gaeltachta sásta go bhfuil a ceart á thabhairt don Ghaeilge aici

Níl aon athrú intinne tagtha ar Josepha Madigan faoi fhoghlaim na Gaeilge ó ceapadh ina hAire Cultúir, Oidhreachta agus Gaeltachta í bliain ó shin

‘I got a B in my honours Irish 30 years ago. I try to use it in all my speeches’ – Aire na Gaeltachta sásta go bhfuil a ceart á thabhairt don Ghaeilge aici

Níl aon athrú poirt ag an Aire Cultúir, Oidhreachta agus Gaeltachta maidir le foghlaim na Gaeilge agus í sásta go bhfuil sí ag tabhairt a ceart don teanga mar aire.

“I got a B in my honours Irish 30 years ago. I try to use it in all my speeches,” a dúirt an tAire Madigan inné agus babhta comhairliúcháin faoin bplean náisiúnta oidhreachta á sheoladh aici.

Dúirt sí go ndéanann sí iarracht i gcónaí smeadar Gaeilge a chur i ngach óráid a thugann sí mar aire.

“I don’t think there is one speech I have ever made in almost a year now, at the end of this month since I started, that I haven’t used my Irish,” arsa Madigan.

Dúirt sí go bhfuil céim sa Fhraincis agus sa Ghearmáinis aici agus go bhfuil an-ghean aici do theangacha. Déanann sí iarracht beagán Gaeilge a labhairt chomh maith.

“When I get the opportunity, I try to speak a little bit of it and we are lucky that we have a very new Minister for the Gaeltacht in Seán Kyne who has statutory responsibility for the Gaeltacht, and I think he is doing a very good job in promoting the language,” a dúirt Josepha Madigan.

Nuair a ceapadh Josepha Madigan ina hAire Cultúir, Oidhreachta agus Gaeltachta mí na Nollag seo caite, ní raibh sí sásta gealltanas a thabhairt go bhfoghlaimeoidh sí Gaeilge ar eagla nach n-éireodh léi a leithéid de ghealltanas a chomhlíonadh.

Ag tagairt di d’iarrachtaí an iar-aire stáit Gaeltachta Joe McHugh an teanga a fhoghlaim, dúirt an t-aire sinsearach nárbh ionann a cás siúd.

“Well, you know Joe McHugh has dedicated statutory responsibility for the Gaeltacht. I’m not going to make a promise that I’m going to study Irish in case I can’t follow it through, but I’m obviously very passionate about languages in general,” a dúirt an tAire Cultúir, Oidhreachta agus Gaeltachta nuair a ceapadh anuraidh í. 

Is fada Conradh na Gaeilge agus dreamanna eile ag éileamh go mbeadh cúram na Gaeltachta ar Aire Sinsearach a bheadh líofa sa Ghaeilge. Níorbh amhlaidh an scéal ó 2011. Gheall Fianna Fáil agus Sinn Féin cheana go mbeadh an tAire a mbeadh cúram na Gaeltachta air ina aire sinsearach dá mbeidís i gcumhacht.

Fág freagra ar '‘I got a B in my honours Irish 30 years ago. I try to use it in all my speeches’ – Aire na Gaeltachta sásta go bhfuil a ceart á thabhairt don Ghaeilge aici'

  • wtf

    Scaothaire eile.”I TRY to use it…”! Ba dhóigh leat go mbeadh smeadar maith mór aici is a rá go bhfuair sí ‘B’ 30 bliain ó shin. Ní fiú piodarlán an grád céanna inniu. Cén grád a fuair sí sa bhFraincis agus sa Ghearmáinis? Maidir le foghlaim na Gaeilge de b’fhiú di aird a thabhairt ar an mana: “Arbeit macht frie.” Cheart go duigfeadh céimí sa Ghearmáinis é sin. Agus Aire de chuid FG go háirid.

  • Cordelia Nic Fhearraigh

    Eh? Tá sé i dteideal na hAireachta atá agat!!

    Go sábh’l’aí muid…