Seo léargas ar an bpaindéim Covid-19 in Éirinn ó mhí an Mhárta go dtí deireadh na bliana
Duine ag siúl thar oifigí chomhlacht earcaíochta Indeed i bhFaiche Stiabhna. Thosaigh fostaithe uile Indeed ag obair ón mbaile ar an 17 Feabhra 2020 nuair a tháinig scéala as Singeapór go raibh an coróinvíreas ar fhostaí dá gcuid ansin. Pictiúr: RollingNews.ie
Preasócáid faisnéise faoi ullmhúcháin na tíre don choróinvíreas in oifigí na Roinne Sláinte ar Shráid Bhagóid, an 26 Feabhra. Liam Woods, Stiúrthóir leis an HSE; an Dr Tony Holohan, Príomhoifigeach Sláinte na Roinne Sláinte; agus an Dr Cillian De Gascun, Stiúrthóir na Seirbhíse Tagartha Náisiúnta maidir le Víris. Pictiúr: Leah Farrell / RollingNews.ie
An 28 Feabhra. Mascanna in Aerfort Bhaile Átha Cliath agus fógraí sláinte faoin Covid-19. Pictiúr: Sam Boal / RollingNews.ie
An Dr Tony Holohan, Príomhoifigeach Sláinte na Roinne Sláinte agus an Dr Ronan Glynn, an Leas-Phríomhoifigeach Sláinte. Pictiúr: Sasko Lazarov / RollingNews.ie
Na heitleáin díomhaoin agus imní ar aerlínte, an 14 Márta. Pictiúr: Sam Boal/Rollingnews.ie
Barra an Teampaill ciúnaithe agus na tábhairní dúnta an 15 Márta. Pictiúr: RollingNews.ie
Sráid na Siopaí tréigthe Lá Fhéile Pádraig i nGaillimh. Pictiúr: Seán Ó Mainnín
Leo Varadkar ag fógairt srianta as Washington Lá Fhéile Phádraig
Scaradh sóisialta is scuainí ag Ardoifig an Phoist i mBaile Átha Cliath an 19 Márta. Pictiúr: Sam Boal/Rollingnews.ie
Phil Lynott á chosaint ón víreas le masc. Pictiúr: Eamonn Farrell/RollingNews.ie
Foireann Cosanta Sibhialta ag obair ag ionad tástála coróinvíris ar long an chabhlaigh an LÉ Samuel Beckett ag Cé Sir John Rogerson sa bpríomhchathair. Pictiúr: RollingNews.ie
Fógra déanta ag Banc na hÉireann go ndúnfar go sealadach cuid mhór dá gcuid brainsí ós beag duine atá ag teacht isteach. Pictiúr: Leah Farrell/RollingNews.ie
Pointe seiceála ag an nGarda Síochána i bPáirc an Fhionnuisce agus dianghlasáil i bhfeidhm, an 28 Márta. Pictiúr: Sam Boal/Rollingnews.ie
An chéad lá den dianghlasáil agus na Gardaí ag iarraidh ar dhaoine fanacht ag baile más féidir. Pictiúr: Sam Boal/RollingNews.ie
Binn Éadair beagnach tréigthe agus daoine ag cloí leis an dianghlasáil. Pictiúr: Sam Boal/RollingNews.ie
Trí seachtaine eile dianghlasála i gCill Dara, Laois agus Uíbh Fhailí agus rabhadh crochta ar mhótarbhealach an N7/M7. Pictiúr: Sasko Lazarov/RollingNews.ie
An 16 Bealtaine, lá 51 den dianghlasáil agus an ghrian ag scaladh. Pictiúr: Sasko Lazarov/Rollingnews.ie
Jimmy Shéamais Beag Ó Tuathail agus a bhean Bríd ag cuibhriú i dTír an Fhia, an 19 Bealtaine. Pictiúr: Seán Ó Mainnín
Seán Pheadair Sheáin Ó Domhnaill, An Cheathrú Rua. Pictiúr: Seán Ó Mainnín
Lá 57 agus is cuid den saol an masc. Pictiúr: Sam Boal/Rollingnews.ie
Heidi Gotthalmseder ag An Spailpín Fánach agus Ceardlann an Spidéil oscailte arís. Pictiúr: Lydia Hebras
Lá’l Peadar is Pól, an chéad lá de chéim 3 agus cead ag roinnt daoine freastal ar aifreann arís sa Leas-Ardeaglais. Pictiúr: Sam Boal/Rollingnews.ie
An 13 Lúnasa, lá 109. Ag fanacht leis an Luas agus masc éigeantach ar an gcóras iompair poiblí ón lá inniu. Pictiúr: Sasko Lazarov/RollingNews.ie
An ealaíon faoin aer i gConamara. Pictiúr: Seán Ó Mainnín
Lá 156. Léirsiú i gcoinne mascanna agus rialacha eile ag ceannáras RTÉ i nDomhnach Broc. Pictiúr: Leah Farrell/RollingNews.ie
Lá 176. Béile amuigh faoin aer agus srianta breise le fógairt amárach. Pictiúr: Sasko Lazarov/Rollingnews.ie
Siopaí ag oscailtamárach agus na soilse Nollag lasta. Pictiúr: Sasko Lazarov/RollingNews.ie
Tá sé fliuch gaofar ach daoine sásta a bheith sna siopaí arís. Pictiúr: Leah Farrell / RollingNews.ie
Siopadóireacht na Nollag faoi lán seoil. Pictiúr: Sam Boal/RollingNews.ie
Tháinig a thuilleadh srianta dianghlasála i bhfeidhm ag deireadh na bliana nuair a tháinig ardú mór ar líon na gcásanna…
…ach bhí ábhar dóchais ann chomh maith agus tús á chur le cláir vacsaínithe ar fud an domhain.. Pictiúr: Marc O’Sullivan / RollingNews.ie
Annie Lynch, 79, as Baile Átha Cliath, an chéad duine sa stát a fuair an vacsaín Pfizer BioNTech COVID-19. Pictiúr: Marc O’Sullivan / RollingNews.ie
30/12/2020 An Taoiseach, Micheál Martin agus tréimhse eile dianghlasála, go dtí an 31 Eanáir ar a laghad, á fógairt aige. Dúirt an Taoiseach go raibh údar dóchais anois ann nach raibh ann sa bhfómhar nó san earrach – teacht na vacsaíní. ‘Mar a deir an seanfhocal, is é an dóchas lia gach anró,’ arsa Micheál Martin. Pictiúr: JULIEN BEHAL PHOTOGRAPHY/ Rollingnews.ie
Úsáid Fianáin:
Baineann an suíomh greasáin Tuairisc.ie úsáid theoranta as fianáin chun críche fheidhmiú éifeachtach an fhreastalaí agus chun na críche sin amháin; Mura roghnaíonn tú féin clárú linn, ní dhéantar aon sonraí pearsanta a stóráil, a aisghabháil ná a aistriú chuig tríú páirtí go huathoibríoch. Is ionann leanúint d’úsáid an tsuímh seo agus deimhniú go bhfuil comhaontú intuigthe ann go ngéilleann an cuairteoir don seasamh sin agus go nglacann sé/sí leis go bhfuil sé fíor. Chun fanacht ar an suíomh seo brú ar an gcnaipe seo:Ok
Fág freagra ar 'GAILEARAÍ: Súil siar ar bhliain uafar aisteach na paindéime…'