GAILEARAÍ: Scoth na n-íomhánna ó Chomórtas Peile na Gaeltachta agus an Cheathrú Rua agus Bhulf Tón cáilithe

Seo scoth an aicsin ó Chomórtas Peile na Gaeltachta 2018 atá ar siúl sna Dúnaibh an deireadh seachtaine seo. Pictiúir: Seán Ó Mainnín/Tuairisc.ie

GAILEARAÍ: Scoth na n-íomhánna ó Chomórtas Peile na Gaeltachta agus an Cheathrú Rua agus Bhulf Tón cáilithe
Bhí bua gan choinne, 4-9 i gcoinne 2-11, ag fir Bhéal Feirste, Laochra Loch Lao, i gcoinne Lios Póil sa chomórtas sóisir maidin Dé Sathairn

 

Diarmuid Mac Pilibag agus cúl á scóráil aige. Ceithre cinn ar fad a fuair sé le linn an chluiche

 

Níor éirigh le Bearna na Gaillimhe dul níos faide sa chomórtas ach an oiread agu fuair Cill Chomáin as Maigh Eo an ceann is fearr orthu, 1-12 in aghaidh 1-8

 

Rinne cúl báire Bhéal an Mhuirthead, Scott Kilker, sábháil den scoth ina gcluiche in aghaidh Bhulf Tón na Mí

 

…is iad na Laighnigh a thug an lá leo áfach, 2-16 in aghaidh 1-11. Conán Barrett (Béal an Mhuirthead) agus Cillian Ó Briain (Bhulf Tón)

 

Rúnaí Choiste Náisiúnta Chomórtas Peile na Gaeltachta, Michéal Mac Donncha, ag faire ar an gcluiche idir An Rinn agus Naomh Columba Dé Sathairn

 

D’aimsigh Donie Breathnach cúl don Rinn sa chéad leath

 

Is iad na Conallaigh a tháinig tríd tar éis am breise. Tadhg Ó hUallacháin (An Rinn) ag iarraidh éalú ó Rian Mac Anearcáin (Naomh Columba)

 

Bhí coimhlint mhór ann i gcomórtas na sinsear Dé Sathairn idir curaidh na bliana seo caite, An Ghaeltacht, agus fir Chonamara, An Cheathrú Rua

 

Cillín de Paor (An Cheathrú Rua) ag iarraidh stop a chur le hÉanna Ó Conchúir (An Ghaeltacht)

 

Óigí Ó Sé ag tabhairt faoi scór agus Seán Enda Ó Flaithearta ag iarraidh é a stopadh

 

Ba é Stiofán Ó Briain a fuair an cúl cinniúnach don Cheathrú Rua, agus bua dhá phointe a bhí acu, 2-9 in aghaidh 1-10

 

Briseadh croí a bhí i ndán do Chathal Ó Fiannachta nuair a díbríodh fir na Gaeltachta luath as an gcómortas

 

Oisín Ó Gríofa na Ceathrún Rua ag ceiliúradh

 

Cúl báire Naomh Conaill, Stephen McGrath, in aghaidh Ghaoth Dobhair

 

Gavin Mac Giolla Bhríde (Gaoth Dobhair) ag coinneáíl na liathróide ó Jason Campbell (Naomh Conaill)

 

Cogadh na gcathracha. Na Gaeil Óga agus Laochra Loch Lao i gcluiche ceathrú ceannais sa sóisear

 

Fir Bhaile Átha Cliath a thug an lá leo, 1-12 in aghaidh 0-9. Aindí Hoileabard (Na Gaeil Óga) agus Fiachra Mac an Bhiocaire (Laochra Loch Lao)

 

Gaeil Fhánada a bhuaigh an cluiche leathcheannais eile i gcomórtas na sóisear, 0-22 in aghaidh 2-6

 

I gCraobh Shóisir na mBan, bhuaigh Na Dúnaibh ar Naomh Columba sa bhabhta leathcheannais

 

I gcraobh na sinsear, bhain Maigh Cuilinn áit amach sa chluiche ceannais i gcoinne Ghleann Fhinne tar éis dóibh An Tearmann a chloí

 

Imríodh an cluiche ceannais idirmheánach Dé Domhnaigh idir Leitir Móir agus Baile na nGallóglach

 

Bhí an bua ag mná Dhún na nGall ag deireadh na himeartha, 3-9 in aghaidh 1-7. Ba iad Baile na nGallóglach an chéad fhoireann a thug corn leo an deireadh seachtaine seo

 

I gcomórtas na bhfear, d’imir an fhoireann baile, Na Dúnaibh, i gcoinne Na Gaeil Óga. Micheál Ó Conaire (Na Gaeil Óga) ar an ionsaí agus súil an tseabhaic ag Bryan Mac Fhionnghaile (Na Dúnaibh) air 

 

D’aimsigh Aindí Devery cúl d’fhir Átha Cliath sa chéad leath

 

Na Dúnaibh a thug an lá leo, áfach. D’aimsigh Eric Roberts roinnt scóranna dóibh. Seo é Eoin Ó Murchú ag iarraidh é a cheansú

 

Thug Oisín Ó Siadhail, Gaeil Fhánada, taispeántas den scoth uaidh in aghaidh Chill Chomáin sa chluiche leathcheannais eile i gcomórtas na sóisear

 

Thug Naomh Columba agus Bhulf Tón aghaidh ar a chéile sa chéad chluiche leathcheannais. Conor Sheppard (Bhulf Tón) anseo ag iarraidh iarracht Rian Mac Giolla Easpaig (Naomh Columba) a bhlocáil

 

Bhí cúil Fhiachra Ward cinniúnach sa chluiche. D’éirigh le fir na Mí áit a bhaint amach sa chluiche ceannais den chéad uair riamh tar éis dóibh bua 2-12 in aghaidh 1-13 a fháil ar an gCeathrú Rua

 

Ba iad Naomh Conaill ba láidre sa chéad leath ina gcluiche ceannais in aghaidh na Ceathrún Rua. Pól Mac Aonghusa ag scóráil cúilín dóibh anseo

 

Rinne an Cheathrú Rua teacht aniar áfach agus, mar a rinne sé in aghaidh na Gaeltachta an lá roimhe, d’aimsigh Stiofán Ó Briain cúl tábhachtach

 

Ba é Maitiú Ó Domhnaill a d’aimsigh an cúilín cinniúnach don Cheathrú Rua agus an t-am caite,  Antaine Ó Conghaile. Colin Ó Domhnaill (uimh.5) agus imreoirí eile na Ceathrún Rua

 

Duine d’fhoireann bainistíochta na Ceathrún Rua, Connie Guidera, ag ceiliúradh ag deireadh an chluiche.

Léigh tuilleadh sa rannóg seo 'Spórt'

Fág freagra ar 'GAILEARAÍ: Scoth na n-íomhánna ó Chomórtas Peile na Gaeltachta agus an Cheathrú Rua agus Bhulf Tón cáilithe'