Gailearaí de na pictiúir is fearr a sheol ár léitheoirí chugainn an tseachtain seo…
Iarradh ar léitheoirí Tuairisc.ie a gcuid pictiúr féin a sheoladh chugainn ag nuacht@tuairisc.ie faoin téama ‘Droichead’.
Déan cinnte d’ainm a lua leis an bpictiúr chomh maith leis an áit ar tógadh é, agus d’ainm úsáideora Instagram má tá ceann agat. Féadfar na pictiúir a aimsiú ar Instagram faoin haischlib #picphobail.
An tseachtain seo, tá muid ag iarraidh oraibh bhur bpictiúir faoin téama ‘SnaG17’ (Seachtain na Gaeilge). Cuirigí chugainn pictiúir ó imeachtaí Sheachtain na Gaeilge in bhur gceantar féin.
‘Droichead Uí Bhriain, Contae an Chláir’. Thóg Toirdhealbhach Ó Briain, Iarla Thuamhan, droichead adhmaid anseo i 1506. Tógadh an ceann cloiche seo i 1750. Pictiúr: Lisa Ní Bhuachalla
‘Droichead na nDeor, Bealach na Mucaise. Ba ar an droichead seo a scaradh teaghlaigh uathu siúd a bhíodh ag dul ar imirce. Shiúladh siad ar aghaidh go Doire’. Pictiúr: Réamonn Ó Ciaráin
Droichead na Life, nó Droichead na Leathphingine mar a thugtar go coitianta air, i mBaile Átha Cliath. Pictiúr: Tara Benn
‘Puenta La Reina’ (Droichead na Banríona) i Gares i Navarre. Thóg an Bhanríon Muniadona an droichead ar an Río Arga d’oilithrigh ar an Camino de Santiago. Pictiúr: Áine Ní Bhreisleáin
‘Droichead an Spéirbhealaigh Gréine, nó an Sunshine Skyway Bridge, istoíche’, i gCuan Tampa, Mheiriceá. Pictiúr: Éirinn Ní Dhuibhfhinn
“Seandroichead Stari Most a théann thar an Abhainn Neretva in Mostar, an Bhoisnia agus an Heirseagaivéin. Scriosadh é le linn an Chogaidh sna 1990idí agus atógadh é ina dhiaidh. Is láithreán oidhreacha domhanda de chuid UNESCO é.” Pictiúr: Ciara Ní Bhroin
Droichead na Gairfeanaí, an Ghairfeanaigh, Corca Dhuibhne. Pictiúr: Pádraig Ó hAiniféin
Fág freagra ar 'GAILEARAÍ: Pictiúir an Phobail – ‘Droichead’'