Gach cárta bainc de chuid Bhanc na hÉireann as feidhm agus á ndiúltú faoi láthair

Tá Banc na hÉireann ag iarraidh réiteach a fháil ar an scéal nach bhfuil cártaí dá gcuid ag obair i siopaí agus in uathmheaisíní ar fud na hÉireann

File Photo BANK OF IRELAND looking into complaints that its debit cards are not working in some stores. A number of BOI customers have contacted the bank on Twitter to ask why money is unable to come out of their accounts. The bank said in the last few minutes that it is aware of the difficulties with Visa debit cards and will return to normal service asap. 30/10/2015 A customer uses a cash machine at the Bank of Ireland Stephen's Green. Bank of Ireland has†been responding to people†who claim there is a delay in payments, and that they†have yet to be paid today. Bank of Ireland claims it is only†experiencing delays with credit transfers from other banks, but has not announced a time frame for resolving the issue. Photo:Leah Farrell/RollingNews.ie
Pic:Leah Farrell/RollingNews.ie

Níl cártaí bainc de chuid Bhanc na hÉireann ag obair faoi láthair, agus ní fios cathain a réiteofar an fhadhb. Baineann an fhadhb le cártaí dochair nach bhfuil ag obair do chustaiméirí faoi láthair i siopaí ná in uathmheaisíní.

Tá Banc na hÉireann “ar an eolas” faoin bhfadhb a bhaineann lena gcuid cártaí ach dúradh le Tuairisc.ie nach raibh aon “scála ama” ann fós maidir le réiteach na faidhbe.

Tuigtear do Tuairisc.ie go mbaineann an fhadhb le gach cárta de chuid Bhanc na hÉireann agus go bhfuil an fhadhb ann ar fud na tíre. Tá na craobhacha áitiúla ag fanacht ar scéala ó na craobhacha réigiúnda i láthair na huaire ach is féidir fós airgead a thógáil amach ó gach craobh sa tír.

Meastar go mbaineann an fhadhb le córas teicneolaíocht faisnéise Bhanc na hÉireann agus go bhfuil an cheist á plé faoi láthair leis an gcomhlacht ríomhaireachta a chuireann an tseirbhís sin ar fáil.

Dúirt custaiméir amháin de chuid Bhanc na hÉireann go raibh iontas air faoina laghad eolais a bhí ag seirbhísí custaiméara an bhainc faoin bhfadhb nuair a ghlaoigh sé orthu tráthnóna.

“Diúltaíodh don dá chárta atá agam i mbialann am lóin inniu. Bhí orm rith amach agus uathmheaisín a lorg agus nuair nár oibrigh sé sin, bhí an t-ádh liom go raibh aithne agam ar dhuine sa timpeall a thug praghas an lóin ar iasacht dom.

“Ní raibh aon scéal cloiste ag lucht na bialainne faoin bhfadhb agus is beag eolas a bhí ag fear an bhainc ar an bhfón ach an oiread,” a dúirt custaiméir amháin. 

Fág freagra ar 'Gach cárta bainc de chuid Bhanc na hÉireann as feidhm agus á ndiúltú faoi láthair'