FUAIM: Cothrom an lae seo ceithre bliana ó shin bhain gaisce Katie Taylor deoir as SBB…

‘Maud Gonne, Gráinne Mhaol, Mary Robinson, Máire Mhac an tSaoi…’ Ar an 10 Lúnasa 2012, bhuaigh Katie Taylor bonn óir ag na Cluichí Oilimpeacha i Londain. Bhí Seán Bán Breathnach ar dualgas do RTÉ RnaG agus chuaigh an tráchtaireacht chorraitheach a rinne sé ar an ócáid i bhfeidhm go mór ar dhaoine…

FUAIM: Cothrom an lae seo ceithre bliana ó shin bhain gaisce Katie Taylor deoir as SBB…

Katie Taylor ag buachan i 2012. INPHO/Dan Sheridan

Agus an tír uile ag tnúth go n-éireodh léi, bhí brú mór ar bhean Bhré agus í ag tabhairt aghaidh ar Sofya Ochigava na Rúise. B’iontach an trodaí a bhí in Ochigava chomh maith agus thug sí dúshlán Taylor, í chun cinn, 4-3, agus an dara babhta thart. Ach thaispeáin Taylor an mianach a bhí inti sa dá bhabhta dheireanacha agus thug sí an lá léi ar deireadh, 10-8.

Lá stairiúil a bhí ann agus cé gur ar éigean gur choinnigh sé guaim air féin, b’iontach mar a d’éirigh le Seán Bán Breathnach ó Raidió na Gaeltachta cur síos a dhéanamh dá lucht éisteachta ar mhórghaisce Taylor.

Ní dhéanfar dearmad ar a thráchtaireacht, agus tocht ina scornach ag éacht duine de laochra na hÉireann.

Fág freagra ar 'FUAIM: Cothrom an lae seo ceithre bliana ó shin bhain gaisce Katie Taylor deoir as SBB…'