Le fadscannán Gaeilge a chuirfear tús i mbliana le Féile Scannán Idirnáisiúnta Bhaile Átha Cliath, an chéad uair ar tharla a leithéid.
Taispeánfar An Cailín Ciúin le Colm Bairéad, a rinneadh faoi scéim de chuid TG4 Cine4, oíche oscailte na féile ag deireadh na míosa seo chugainn.
Beidh an scannán Gaeilge á thaispeáint den chéad uair ag Féile Idirnáisiúnta Scannán Bheirlín an mhí seo chugainn chomh maith, an chéad uair go mbeidh scannán Gaeilge á thaispeáint ag an bhféile sin.
Is é An Cailín Ciúin, an chéad scannán fada ag an stiúrthóir Colm Bairéad agus ag an léiritheoir Cleona Ní Chrualaoi, ó Inscéal.
Fís Éireann, TG4, agus Údarás Craolacháin na hÉireann a chuir maoiniú ar fáil do An Cailín Ciúin faoin scéim Cine4.
Tá an scannán An Cailín Ciúin, bunaithe ar scéal le Claire Keegan agus rinneadh an scannánú anuraidh i mBaile Átha Cliath agus i gcontae na Mí. Dráma casta leochaileach é seo faoi dhuine atá ag teacht in inmhe agus pléitear an teaghlach, an fhaillí agus an chailliúint trí shúile an phríomhcharachtair óig.
Break Out Pictures a bheidh á dháileadh anseo in Éirinn agus atá i mbun a eisiúna.
Antoine Ó Coileáin
Comhghairdeas le Colm agus Cleona as an éacht seo. Ag dúil go mór leis an scannán a fheiceáil!