Tá téarma nua Gaeilge curtha go hoifigiúil ar Téarma.ie, bunachar náisiúnta téarmaíochta na Gaeilge, mar gheall ar fheachtas a chuir an blagálaí Sinéad Burke – a thugann Minnie Melange uirthi féin freisin – ar bun.
D’fhógair Burke ar Twitter inné go raibh sí i mbun cainte le Foras na Gaeilge le tamall maidir le téarma oifigiúil nua a chur ar fáil do ‘little person’ an Bhéarla – is é sin duine a bheadh an abhcacht orthu. Tá an téarma ‘abhac’ ar an mbunachar cheana féin.
I’ve been liaising with @ForasnaGaeilge about introducing ‘little person’ to the Irish dictionary. Today, it’s official. Is duine beag mé. pic.twitter.com/WO5PFfNBag
— Sinéad Burke (@minniemelange) 9 Samhain 2016
Dúirt sí leis an suíomh DailyEdge.ie gur thosaigh sí ag caint leis an bhForas i mí Mheán Fómhair agus í ag súil le Mí na hAbhcachta i mí Dheireadh Fómhair. Ó tharla nach mbíonn cruinnithe ag an gCoiste Téarmaíochta ach uair sa mhí, níor éirigh léi an téarma a chur faoina mbráid go dtí cruinniú na míosa seo, agus glacadh leis an moladh.
Dúirt sí nár bhraith sí gur ‘abhac’ a bhí inti agus gur theastaigh téarma eile uaithi.
“Language is a powerful tool. It not only names our society but it shapes it. Until now, few references existed for little people in Irish and one of them was ‘abhac’.
“When I was doing my Irish oral exam I didn’t feel it best represented me. I’m slightly envious of my friends who are little people who get to introduce themselves as a ‘duine beag’ when they sit their Irish oral later this year!” a dúirt sí.
Séamus Barra
Dia go deo leat Sinéad! ní mór athruithe mar é a mholadh. ní beag mar chuing orainn cumhacht an fhocail agus ní miste a bhrí a stiúradh gan leisce d’fhonn ár leas a dhéanamh sa tsaol. bíodh dínit, muinín agus meas ag gach duine againn – beag, mór nú cam!