Tá foireann na Gaillimhe a thabharfaidh aghaidh ar Ros Comáin i gcluiche ceannais Chonnacht an deireadh seachtaine seo ainmnithe ag Kevin Walsh.
Dhá athrú atá déanta ag an mbainisteoir ar an bhfoireann a bhuaigh ar Mhaigh Eo an mhí seo caite. Tagann Eoghan Kerin isteach sa líne lánchúil in áit David Wynne. Is sa líne lántosach atá an t-athrú eile déanta agus Eamonn Brannigan, a d’aimsigh pointe in aghaidh Mhaigh Eo nuair a tháinig sé isteach, ag tosú in áit Seán Armstrong, a ghortaigh a dhroim ó shin.
Tá Gaillimh ag iarraidh Craobh Chonnacht a bhuachan don dara bliain as a chéile Dé Domhnaigh den chéad uair ó 2002-2003.
Fuair siad an ceann is fearr ar Ros Comáin i gcluiche ceannais 2016, i ndiaidh cluiche athimeartha. Tá foireann Kevin McStay ag iarraidh Corn Nestor a thabhairt leo den chéad uair ó 2010.
Ainmníodh foireann Ros Comáin cheana féin. Athrú amháin atá déanta ag McStay ón gcluiche leathcheannais, inar bhuaigh siar ar Liatroim, agus Cathal Compton tagtha isteach i lár na páirce in áit Donie Smith.
Cuirfear tús le cluiche ceannais na sinsear ag 2.00i.n. tráthnóna Dé Domhnaigh i Staid an Phiarsaigh. Imreofar cluiche ceannais na mionúr ag 12.00i.n. agus tabharfaidh an Ghaillimh aghaidh ar Shligeach sa chluiche sin.
Foireann na Gaillimhe
1. Ruairi Lavelle
2. Cathal Sweeney
3. Declan Kyne
4. Eoghan Kerin
5. Gary O’Donnell
6. Gareth Bradshaw
7. Liam Silke
8. Fiontán Ó Curraoin
9. Paul Conroy
10. Thomas Flynn
11. Michael Daly
12. Johnny Heaney
13. Eamonn Brannigan
14. Damien Comer
15. Shane Walsh
Foireann Ros Comáin
1. Colm Lavin
2. David Murray
3. John McManus
4. Niall McInerney
5. Sean McDermott
6. Sean Mullooly
7. Conor Devaney
8. Tadgh O’Rourke
9. Cathal Compton
10. Fintan Cregg
11. Ciaráin Murtagh
12. Enda Smith
13. Brian Stack
14. Diarmuid Murtagh
15. Niall Kilroy
Fág freagra ar 'Dhá athrú déanta ag Kevin Walsh do chluiche ceannais Chonnacht'