Beidh áit lárnach ag an gcraoltóir aitheanta Gaeltachta Cormac Ó hEadhra i sceideal nua RTÉ a fhógrófar an tseachtain seo.
Bhí caint ann le tamall go dtógfadh clár le Seán O’Rourke áit an chláir Saturday with Cormac Ó hEadhra ach ní bheidh O’Rourke le cloisteáil níos mó ar RTÉ de bharr na conspóide faoi dhinnéar Chumann Gailf an Oireachtais sa Chlochán.
Cé go raibh sé á thuar i mbólaí áirithe go mbeadh Ó hEadhra thíos le filleadh Seán O’Rourke ar RTÉ, tuigtear do Tuairisc.ie go raibh fear na Ceathrún Rua lárnach i gcónaí i bplean lucht bainistíochta RTÉ mar a bhfuil ag méadú ar a cháil agus a stádas le tamall de bhlianta anuas.
A fhianaise sin go bhfuil sé á lua mar chomhláithreoir, le Sara McInerney, ar Drivetime.
Clár eile a bhí á lua le Ó hEadhra ná This Week an Domhnaigh, an clár cúrsaí reatha raidió is faide ar an aer ar RTÉ.
Cainteoir dúchais Gaeilge as an gCeathrú Rua i gConamara é Ó hEadhra a chuireann Nuacht a hAon i láthair ar RTÉ Raidió na Gaeltachta chomh maith.
Roimhe sin cuireadh sé an clár Cormac ag a Cúig i láthair ar an stáisiún céanna.
Buille mór do RTÉ Raidió na Gaeltachta é ról nua Uí Eadhra mar go gciallaíonn sé go mbeidh siad d’uireasa duine de na láithreoirí is aitheanta agus is cumasaí dá bhfuil acu.
alan titley
Cailliúint do RnaG go cinnte, ach beidh sé ar fheabhas pé post a thabharfar dó. Tá an t-eolas, an phearsantacht, an guth agus an scian aige…
Peter Logan
Glacham le do thuairim go deimhin. Ba é ‘Cormac ag a cuaigh’ an clár is fearr a chuala mé riamh ar RTÉagus de réir go bhuil feabha a chuid Béarla chómh mór le feabhas a chuid Gaeillge beidh sár clár againn san fomhar. An teidil amháin nach maith liom: “drivetime”. Ní h-é sa gluaisteán a chaithigh mise an dá uair a chloig!
Pól Ó Braoin
Aireoidh muid go mór uainn é ach mar sin féin guím gach rath air ina phost nua béarla. Tabharfaidh sé blas nua gaeltachta chuig an mbord agus go n-éirí leis.