Cead tugtha do mhuintir Ware fanacht in Éirinn

Dea-scéal faighte ag muintir Ware ó Uíbh Ráthach a raibh díbirt thar tír amach le déanamh orthu

Sean Garvey agus Zoe Garvey
Zoe Ware in éineacht leis an amhránaí Seán Garvey

Tá cead tugtha ag an Roinn Dlí agus Cirt do mhuintir Ware fanacht in Éirinn.

Bhí cás mhuintir Ware i mbéal an phobail an le tamall anuas toisc go raibh díbirt thar tír amach le déanamh orthu.

zoeletter-630x347
A litir a críobh Zoe Ware chuig Frances Fitzgerald, an tAIre Dlí agus Cirt

Tuairiscíodh ar Nuacht TG4 tráthnóna go bhfuil Visa Stampa 4 le bronnadh ar Kate agus Shannon Ware agus a dtriúr cailíní a thabharfaidh cead dóibh fanacht anseo. Dúirt Kate Ware tráthnóna go raibh “lúcháir orthu”.

Tharraing an scéal go raibh díbirt thar tír amach le déanamh ar muintir Ware go leor airde an mhí seo caite agus thug pobal na Gaeilge agus na Gaeltachta suntas ar leith don scéal mar gheall ar a Ghaelaí is atá cailíní óga atá ag freastal ar Scoil Mhichíl Naofa i mBaile na Sceilg. Cuireadh síos ar Zoe, an cailín is sine, mar ‘ealaíontóir den scoth’ a bhfuil an-suim go deo aici sa traidisiún dúchais agus sa Ghaeilge.

Tháinig muintir Ware go hÉirinn cúig bliana ó shin agus an mhí seo caite d’impigh siad ar an Aire Dlí agus Cirt teacht i gcabhair orthu agus cead a thabhairt dóibh fanacht sa tír.

 

Fág freagra ar 'Cead tugtha do mhuintir Ware fanacht in Éirinn'

  • MaitiUbNYC

    Is iontach an scéal seo! Tá mé sásta dóibh!

  • Pól Réamainn

    Dea-scéal

  • Dáithí Mac Cárthaigh

    Iontach