Tá luach €278,000 de channabas gafa ag na Gardaí i dteach fáis i nGaeltacht Chonamara.
D’fhógair an Garda Síochána go bhfuil fear sna daichidí gafa tar éis dóibh teacht ar na drugaí nuair a rinneadh cuardach inné ar theach in Indreabhán i gCois Fharraige.
Aimsíodh 260 planda cannabais – a mbeadh luach €208,000 orthu, dar leis na Gardaí. Aimsíodh freisin cannabas triomaithe ar fiú €70,000 é.
Aonad na nDrugaí i nGaillimh a rinne an cuardach le tacaíocht ó Aonad Tacaíochta faoi Airm na nGardaí. Tugadh faoin chuardach mar chuid de ‘Oibríocht Tara’.
Tá fear cúisithe ag na Gardaí i leith na heachtra agus é le teacht os comhair Chúirt Dhúiche na Gaillimhe tráthnóna.
WTF
Fear a bhí ar féarach!