Tá Seachtain na Gaeilge faoi lán seol arís ar fud na tíre agus níos faide fós i gcéin. Tá imeachtaí á n-eagrú i scoileanna, i gcoláistí agus in ionaid phobail ar fud na hÉireann agus na céadta duine ag caint faoi ar na meáin shóisialta. Tugtar anseo blaiseadh de scléip na féile i measc lucht Twitter, Facebook agus eile:
Chuir foireann an chomhlachta Ioruaigh ‘Trybe’ an giolc seo amach inniu agus iad ag cleachtadh a gcuid Gaeilge:
@SnaGaeilge Bígí páirteach lenár dtreibh. Táimid ag úsáid ár gcuid cúpla focal anseo in Osló #SNAG16 #Gaeilge #Trybe pic.twitter.com/Awrzrl4SKJ
— Trybe (@JoinTrybe) 2 Márta 2016
Thapaigh an láithreoir raidió ó Chonamara, Chris Green, an deis, mar is dual dó, jóc a dhéanamh faoi mheon mhuintir na Gaeltachta i leith Sheachtain na Gaeilge. Gan amhras bhí roinnt áibhéile i gceist aige, ach ba chliste agus ba ghreannmhaire fós an freagra a thug Ciara Ní É air:
@HateChrisGreene Ha! So that makes me (from English-speaking family and school) Rachel Dolezal? :P — Ciara Ní É (@MiseCiara) 3 Márta 2016
Níorbh é Chris Green an t-aon láithreoir de chuid RTÉ 2fm a chuir teachtaireacht amach faoi #SnaG16 ar Twitter. Mheall an ceann seo os cionn 120 croí ó lucht leanta Eoghan McDermott:
Tá seachtain na Gaeilge ag tosnú innú. My gaeilge is far from perfect but it’s taken me places I could only dream of. Usáid do cúpla focail.
— Eoghan McDermott (@eoghanmcdermo) 1 Márta 2016
Ar ndóigh, bíonn sí ina ‘Seachtain na Gaeilge’ do chuid mhaith cainteoirí Gaeilge in Éirinn gach seachtain agus is é sin an scéal a bhí ag rang na naíonán beag i Maigh Nuad:
Nach bhfuil an t-ádh linne! Bíonn seachtain na Gaeilge againn gach seachtain! Scaipimís an ♥ #SnaG16 @SnaGaeilge pic.twitter.com/VAp9LZpeyV — Nai. Shoisir MF15 (@NaionainGUF15) 2 Márta 2016
Cainteoir laethúil wile Gaeilge is ea Marc Ó Sé a bhíonn ag imirt caide le Ciarraí, mar a thug CLG le fios sa ghiolc seo ó chuntas oifigiúil na heagraíochta:
Úsáideann @marcose ó @Kerry_Official #Gaeilge gach lá! Úsáid í le haighaidh @SnaGaeilge ó inniu ar aghaidh! #SnaG16 https://t.co/UQT4aBb2Jb
— The GAA (@officialgaa) 1 Márta 2016
Tá páirt á glacadh ag Cumann Sacair Naomh Pádraig in Inse Chóir i Seachtain na Gaeilge freisin agus an póstaer deas seo deartha ag an bhfoireann le bronnadh ar pháistí saor in aisce:
Tá #NaomhPádraig ag tacú le @SnaGaeilge Dé hAoine vs Gaillimh! Beidh an póstaer #SnaG16 seo ar fáil do pháistí SAOR! pic.twitter.com/RSscCgVni5 — St Patrick’s Ath (@stpatsfc) 1 Márta 2016
Beatha teanga í a léamh, ar ndóigh, agus tá go leor foilsitheoirí ag tacú le Seachtain na Gaeilge i mbliana – ní gá ach Futa Fata, a sheol an leagan Gaeilge de The Diary of a Wimpy Kid inniu, a lua! Ná bíodh sé mar leithscéal ag duine ar bith nach féidir leo teacht ar leabhair i nGaeilge agus siopaí ar nós ‘Scéal Eile Books’ i gCorcaigh ag déanamh a ndíchill:
@CoisLife @WaterstonesCrk Our window display for @SnaGaeilge – leabhair aoibhinn ar fáil ? #worldbookday #WBD16 pic.twitter.com/m4ic9NjhSk
— Sceal Eile Books (@ScealEileBooks) 3 Márta 2016
Tá na foilsitheoirí Folens ag iarraidh ar scoileanna ar fud na tíre a rá leo ar Twitter cén chaoi a bhfuil an tseachtain á ceiliúradh acu agus duais acu do mhúinteoirí na tíre:
Celebrate #SnaG16 & #Eire2016 WIN treats for your school staffroom. Tell us how your class will commemorate 1916 pic.twitter.com/Ce9T4bByFq — Folens Publishers (@FolensIreland) 1 Márta 2016
An rud is annamh is iontach, tá na meáin Bhéarla ag cur suim sa teanga faoi láthair freisin. Scríobh an ceoltóir Fiach Moriarty alt i nGaeilge don iris Hot Press:
Alt scríofa as Gaeilge i gcóir Hot Press sna siopaí anois @SnaGaeilge @CnaG @GlornanGael #SnaG2016 #gaeilge pic.twitter.com/rLxTOmj4u6 — Fiach Moriarty (@Fiachmusic) 3 Márta 2016
Agus roinn goss.ie linn a ‘Top 13 Favourite Gaeilgeoirs’. Ní fios cén slat tomhais a bhí acu!
Is liosta le lua liosta na n-imeachtaí atá ar siúl ar fud na tire. Roinn an Comhairleoir Cathrach Niall Ó Donnghaile as Béal Feirste clár léachtaí Chumann Chluain Ard do Sheachtain na Gaeilge:
Supported by @belfastcc Cumann Cluain Ard are hosting 3 lectures at City Hall during @SnaGaeilge #Gaeilge #TeangaBeo pic.twitter.com/RbIqKzOmbC — Niall Ó Donnghaile (@NiallSF) 2 Márta 2016
Agus ar ndóigh tá níos mó Gaeilge le cloisteáil an tseachtain seo ar RTÉ chomh maith:
Gaeilge ar fud an domhain le @ rte i mbliana do @snaGaeilge #RTESupportingthearts pic.twitter.com/DLEtFZ6Q84 — RTÉ (@rte) 3 Márta 2016
Agus, mar fhocal scoir, bíonn neart ceoil le cloisteáil chomh maith le linn Sheachtain na Gaeilge. Seo an port is déanaí ó IMLÉ – ‘Fún Orm’:
Fág freagra ar 'An ‘Top 13 Favourite Gaeilgeoirs’ agus scéalta eile ó Sheachtain na Gaeilge'