Comórtas
Cuirfear deireadh inniu leis an gcómórtas speisialta atá againn mar cheiliúradh ar Cló Iar-Chonnacht a bheith 30 bliain ar an bfód.
Níl le déanamh agaibh ach an pictiúr atá ar Facebook a roinnt agus ordóg a thabhairt dó.
Fógrófar na buaiteoirí níos deireanaí inniu, mar sin bíodh bhur gcluas’ ar bior agaibh!
Is féidir na leabhair atá foilsithe ag Cló Iar-Chonnacht le tríocha bliain anuas a cheannach ina siopa i gCois Fharraige i gConamara nó ar a suíomh idirlín anseo. Is fiú go mór dul ag póirseáil sa chatalóg dá bhfoilseacháin ar fad atá ar fáil anseo. Go n-éirí libh!
Na scéalta is mó a léadh ar Tuairisc.ie an tseachtain seo
Rún diamhair é cérbh é an marcach ar dhroim capaill a bhí le feiceáil ar Nuacht TG4 (le físeán)
Bíonn ar dhaoine i gConamara éirí ar maidin agus gnóthaí an tsaoil a dhéanamh freisin…
‘Bíodh reifreann in Éirinn faoi stádas na Gaeilge nó seastar le cearta teanga mar is cóir’ – saineolaí dlí idirnáisiúnta
Tionscadal ‘Folláine’ faoi lánseol i nGaillimh ag láithreoir TG4
A dhaoine uaisle agus a chairde Gael, ní húdar mór áthais dom glacadh leis an teideal seo…
A ndúirt siad…
“Having been the subject of repeated judicial scrutiny, perhaps it is high time that this matter is subjected to democratic scrutiny. Is it not time for the Irish people to decide the sort of bilingual state theirs should be?’”
Gwynedd Parry, Ollamh le Dlí agus Stair an Dlí in Ollscoil Swansea
“Tá an pobal LGBT ó thuaidh níos feiceálaí ná riamh agus is fearr an glacadh leo ná riamh. Sa lá atá inniu ann, ní gá don Tuaisceartach aerach, leispiach, déghnéasach nó trasghnéasach teitheadh”
Alex Hijmans
“Is léir go bhfuil sé ag dul d’oifigigh i ngach contae, bídis éifeachtach i mbun a gcúraim nó a mhalairt, aon lámh a dhéanamh ar chlár na gcluichí”
Dara Ó Cinnéide
“Fiú mura n-éiríonn leis an eite chlé sa gcéad olltoghchan móramh a bhaint amach, ní fada uainn, creideann siad, go bhfeicfidh muid rialtas gan Fine Gael ná Fianna Fáil”
Eoin Ó Murchú
“Más mall is mithid do na páirtithe tabhairt faoin obair i ndairíre; ní bheidh sé furasta an gnó a dhéanamh cé go bhfuil comhphort an dóchais ag an DUP agus Sinn Féin”
Póilín Ní Chiaráin
“Ní ghéillfidh an tAire Airgeadais d’Alan Kelly. Cibé toradh a bheas ar an gcoimhlint eatarthu, beidh an Lucht Oibre thíos leis…”
Cathal Mac Coille
“Tá díomá ar dhrámadóirí Gaeilge le hAmharclann na Mainistreach le blianta fada. Ní féidir a bheith ag súil go mbeifear ag scríobh drámaí go rialta mura mbíonn ardán rialta ann dóibh”
Cathal Póirtéir
“Má chuireann scoileanna roimh chuile chineál gasúr, fiú iad siúd ar bheagán Gaeilge, déanfaidh na scoileanna níos fearr as agus beidh na gasúir níos fearr as, agus fiú an pobal – an tsochaí trí chéile – beidh sé níos folláine”
Tríona Uí Mhurchú, príomhoide Choláiste Chroí Mhuire sa Spidéal
Físeán na seachtaine…
Pictiúr na seachtaine…
Sin é ár gcion-na an babhta seo.
Kevin Hickey
Thar ceann fhoireann Tuairisc.ie
Fág freagra ar 'Ag cur do thuairisce…'