1. Cén chuimhne is mó atá agat ar 2019?
Nuair a chuir mé lánstad le dréacht de dhráma nuascríofa liom ‘Nóra’, sin an móimint a sheas amach domsa. Tá an dráma bunaithe ar ghearrscéal Phádraic Uí Chonaire, Nóra Mharcais Bhig. Bhí tréimhse sé seachtaine á caitheamh agam mar scríbhneoir cónaithe i dTír na mBascach agus chuir mé críoch leis an dráma taobh istigh de chúig seachtaine. Bhí mé in ann píosa craic a bheith agam an tseachtain dheireanach.
2. Céard é an scéal is mó a chuir áthas ort in 2019?
Nuair a fuair mé páirt sa scannán Foscadh, a taifeadadh anuraidh.
Páirt Steven Lydon atá agam, siopadóir an bhaile, fear gnó an bhaile, is leis an pub freisin agus cúpla rud eile. Tá sé ag iarraidh feirm ghaoithe a fhorbairt. Is fear é a bhfuil a chroí san airgead seachas aon rud eile.
3. Céard é an scéal is mó a chuir brón ort in 2019?
Aighneas clainne, déarfainn.
4. Céard é an rud is mó a d’fhoghlaim tú ó thús deireadh na bliana 2019?
Níor fhoghlaim mé mórán i mbliana. Tá mé ag déanamh go raibh mé ag bailiú ‘karma’.
5. Ar éirigh leat cloí le haon rún a bhí agat ag tús na bliana 2019? Níor éirigh, faraor.
Pádraig
Anois, seans go dtiocfadh le Diarmuid a insint dúinn cén dóigh gur féidir ‘Karma’ a bhailiú. An leor na málaí athchúrsála a fhaighimid ó na hollmhargaidh nó ar chóir málaí móra taistil a bhreith linn lena leithéid a bhailiú? Nó an é go bhfuil sé chomh luachmhar sin gur féidir é a chur i bpóca i do sparán? …Agus in ainm dílis Dé, ní gá droch-Karma a bhailiú in aon chor?
Mairéad
@Pádraig
Éist le seandaoine.
Cuir crainnte.
Tabhair tacaíocht do dhuine atá ag fulaingt.
Mol an óige.
Sin bealaí chun deaKarma a bhailiú.