Rio 2016/Clár an lae: Na hÉireannaigh a bheidh san iomaíocht inniu…

Tá eolas anseo faoi na hÉireannaigh uile a bheidh san iomaíocht inniu ag na Cluichí Oilimpeacha, faoi cé air ba cheart súil a choinneáil agus faoi na himeachtaí móra eile i Rio inniu

Dornálaí na hÉireann, Katie Taylor. INPHO

Pádraic Ó Ciardha

Dé Luain, Lúnasa 15 2016 ag 6:30 am

Dé Luain, 15 Lúnasa

15:15 – Sara Treacy – Léimrás 3,000m (Babhta Ceannais)

15:43 – Thomas Barr – Cliathrás 400m (Babhta Cáiltihe)

19:15 – Oliver Dingley – Lingchlár 3m (Réamhbhabhta)

14:00 – Judy Reynolds – Eachaíocht (Babhta Ceannais)

17:05 – Annalise Murphy – Laser Radial (Rás na mBonn)

17:05 – Matt McGovern & Ryan Seaton – 49er na bhFear (Rás 7)

17:05 – Andrea Brewster & Saskia Tidey – 49er FX na mBan (Rás 7)

18:05 – Matt McGovern & Ryan Seaton – 49er na bhFear (Rás 8)

18:05 – Andrea Brewster & Saskia Tidey – 49er FX na mBan (Rás 8)

19:05 – Matt McGovern & Ryan Seaton – 49er na bhFear (Rás 9)

19:05 – Andrea Brewster & Saskia Tidey – 49er FX na mBan (Rás 9)

15:00 – Katie Taylor v Mira Potkonen (an Fhionlainn) – Éadrom 60kg (Babhta Ceathrú Ceannais)

21:30 – Scott Evans v Viktor Axelsen (an Danmhairg) – Babhta an 16

Iomaitheoir an Lae – Oliver Dingley (Tumadóireacht)

Is as Harrogate i dtuaisceart Shasana Dingley ó dhúchas agus is beag nár bhain sé áit amach ag na Cluichí Oilimpeacha i Londain don Bhreatain Mhór. Is as Corcaigh a sheanmháthair áfach agus tá cinneadh anois déanta aige ionadaíocht a dhéanamh ar Éirinn.

Cé gurb iad seo na chéad Chluichí Oilimpeacha aige, rinne sé go maith i mórchomórtas roimhe seo agus bhuaigh bonn cré-umha i gCluichí an Chomhlathais in 2014.

Ní raibh ach aon deis amháin aige áit a bhaint amach i Rio ach d’éirigh leis tar éis dó críochnú sa 11ú háit ag Corn Tumadóireachta an Domhain i mí Feabhra. Beidh Dingley sa réamhbhabhta agus é ag iarraidh áit a bhaint amach sa bhabhta leathcheannais ar an Máirt.