Post nua in RTÉ do chainteoir ‘líofa Gaeilge atá cruthaitheach, fuinniúil’

Tá ‘Comhordaitheoir Ábhar Digiteach Gaeilge’ a bheidh freagrach as ábhar Gaeilge a chur ar fáil do RTE.ie á lorg ag an gcraoltóir poiblí

Post nua in RTÉ do chainteoir ‘líofa Gaeilge atá cruthaitheach, fuinniúil’

Tá folúntas fógartha ag RTÉ do phost nua i réimse na Gaeilge agus ‘Comhordaitheoir Ábhar Digiteach Gaeilge’ á lorg acu.

Beidh an té a cheapfar freagrach as ábhar Gaeilge a choimisiúnú agus a chur ar fáil do RTE.ie, do na meáin shóisialta agus d’ardáin dhigiteacha RTÉ.

“Cainteoir líofa Gaeilge atá cruthaitheach, fuinniúil” agus a bhfuil tuiscint aige ar na cineálacha scéalta a thaitneodh le cainteoirí líofa agus cainteoirí ar bheagán Gaeilge araon, atá á lorg ag an stáisiún.

Beidh an té a cheapfar sa phost nua freagrach do Cheannasaí RTÉ.ie agus do Ghrúpcheannasaí Gaeilge RTÉ, Rónán Mac Con Iomaire.

Deir RTÉ gurb í an aidhm atá ag an stáisiún “a chinntiú go mbeidh ábhar Gaeilge fite fuaite i ngach a ndéanann RTÉ ar líne”.

Conradh trí bliana atá á thairiscint ag RTÉ leis an bpost Gaeilge agus idir €44,000 agus €66,000 atá luaite leis.