Tóibín agus Ó Clochartaigh ag plé le cúrsaí Gaeilge agus Gaeltachta ar bhinse tosaigh nua Shinn Féin

D’fhógair Sinn Féin a mbinse tosaigh nua i dTeach Laighean tráthnóna

7/2/2014. Sinn Fein Ard Fheis

Is iad an Teachta Dála Peadar Tóibín agus an Seanadóir Trevor Ó Clochartaigh atá ainmnithe mar urlabhraithe Gaeilge Shinn Féin i dTithe an Oireachtais.

D’fhógair Sinn Féin a mbinse tosaigh nua i dTeach Laighean tráthnóna.

Tá Pearse Doherty, as Gaeltacht Dhún na nGall, ainmnithe ina urlabhraí airgeadais ag a pháirtí, an ról céanna a bhí aige sa 31ú Dáil.

Ainmníodh Donnchadh Ó Laoghaire, an Teachta Dála nuathofa as cathair Chorcaí, ina urlabhraí leanaí agus gnóthaí óige.

Is é an Teachta Dála Aengus Ó Snodaigh, Gaeilgeoir ó Bhaile Átha Cliath, a bheidh mar phríomh-aoire agus urlabhraí cosanta an pháirtí sa 32ú Dáil.

Tá bean a bhfuil Gaeilge líofa aici ainmnithe mar urlabhraí oideachais ag Sinn Féin, sin í an Teachta Dála Carol Nolan a toghadh in Uíbh Fhailí san olltoghchán.

Tá an Seanadóir Niall Ó Donnghaile, an Seanadóir eile de chuid an pháirtí a bhfuil Gaeilge líofa aige, ainmnithe mar urlabhraí ar ghnóthaí Thuaidh/Theas.