Ba léir gur bhain Donnacha Ryan sult Dé Sathairn as a bheith ag spochadh as easpa Gaeilge a charad Marcus Horan, iarfhrapa na hÉireann atá anois ag obair mar anailísí le TG4.
Is beag deis a bheidh ag Donnacha Ryan úsáid a bhaint as a chuid Gaeilge agus é ag imirt sa Fhrainc le Racing 92 an séasúr seo chugainn ach níor tugadh aon seans dó a chuid Gaeilge a úsáid ach oiread ar TG4 Dé Sathairn seo caite agus é faoi agallamh ag Horan i ndiaidh do Chúige Mumhan an ceann is fearr a fháil ar na Scarlets i gcluiche leathcheannais an PRO 12.
Thug Ryan agus Horan na blianta ag imirt lena chéile do Chúige Mumhan agus is maith a thuig sé nach bhfuil fear TG4 ar a chompord ag labhairt na Gaeilge. Le teann magaidh a chuir Ryan ceist ar Horan an raibh sé ag iarraidh an t-agallamh a dhéanamh “as Gaeilge”.
“We’ll go with Béarla,” arsa Horan cé go ndúirt Ryan go mbeadh sé sásta a chuid ceisteanna a fhreagairt i bhFraincis chomh maith dá mba mhian leis.
D’athraigh TG4 a bpolasaí teanga dá soláthar rugbaí tamall de bhlianta ó shin, rud a fhágann gur i mBéarla a bhíonn cuid den anailís acu le linn na gcluichí.
Áine Ní Fhiannusa
Bhí an-díomá orm nuair a tugadh an cluais bodhar do Dhonnacha agus é sásta agallamh a thabhairt i nGaeilge. Is minic a bhíonn agallaimh á dtabhairt i ndiaidh na cluichí Gaelacha le daoine nach bhfuil Gaeilge ar a dtoil acu, ach ba chúis náire an eachtra seo, i mo thuairim.
c
Má thugann aoí le fios go bhfuil sé/sí agallamh a dhéanamh as Gaeilge, níor cheart do ionadaí TG4, Marcus Horan ar an ocáid seo, riamh a thabhairt le fios gur fearr leis an agallamh a dhéanamh i dteanga eile nach í príomh teanga an staisiúin í, bíodh sin Fraincís nó Béarla nó cibé!