Cúig athrú déanta ag Joe Schmidt don chluiche in aghaidh Shasana

I measc na gcúig athrú atá déanta ag Schmidt, imreoidh Stuart McCloskey agus Josh Van der Flier sa gheansaí glas den chéad uair Dé Sathairn

Ireland Rugby Squad Training, Surrey Sports Park, Guilford, Surrey, England 30/9/2015 Head Coach Joe Schmidt Mandatory Credit ©INPHO/Dan Sheridan
©INPHO/Dan Sheridan

Imreoidh Josh Van der Flier agus Stuart McCloskey d’fhoireann rugbaí na hÉireann den chéad uair in aghaidh Shasana Dé Sathairn agus an fhoireann ainmnithe ag Joe Schmidt tráthnóna.

áit i lár na páirce bainte amach ag an Ultach Stuart McCloskey in áit Jared Payne agus tiocfaidh Josh Van der Flier isteach mar chúltosaí in áit Seán O’Brien. Tá taispeántais den scoth tugtha ag an mbeirt nua dá gcúigí i mbliana agus tá luach a saothair á fháil acu anois.

Ghortaigh O’Brien teannán a ioscaide sa chluiche in aghaidh na Fraince coicís ó shin agus ní fheicfear arís é ar pháirc na himeartha don chuid eile de Chomórtais na Sé Náisiún. Is gortú den chineál céanna atá ag cur as do Payne freisin, ach níl sé chomh dona céanna le gortú O’Brien agus meastar nach mbeidh Payne ar an taobhlíne ar feadh i bhfad.

trí athrú eile déanta ag Schmidt don chluiche agus Keith Earls, Donncha Ryan agus Mike Ross uile ag teacht isteach. Gortaíodh Dave Kearney agus Mike McCarthy sa chluiche in aghaidh na Fraince, agus tugann sé sin deis do Earls agus Ryan áit a fháil ar an bhfoireann arís. I bhfianaise na bhfadhbanna a bhí ag Éirinn sa chlibirt go dtí seo sa chomórtas, beidh Schmidt buíoch go bhfuil Ross ar fáil arís.

Cian Healy ar ais i measc na n-ionadaithe chomh maith agus tugann gortú McCarthy deis d’imreoir Chonnacht, Ultan Dillane, a chéad chluiche a imirt ar son na hÉireann agus é ainmnithe i measc na n-ionadaithe freisin.

D’ainmnigh bainisteoir Shasana, Eddie Jones, a fhoireann inné agus tá dhá athrú déanta aige ar an bhfoireann a bhuaigh in aghaidh na hIodáile sa dara babhta. Fear eile a ghortaigh teannán a ioscaide ná Joe Launchbury agus tiocfaidh an cúltosaí Maro Itoje isteach ina áit agus é ag imirt a chéad chluiche do Shasana. Tá athrú amháin eile déanta i measc na dtosaithe agus Joe Marler ag teacht isteach in áit Mako Vunipola.

Foireann na hÉireann

15. Rob Kearney

14. Andrew Trimble

13. Robbie Henshaw

12. Stuart McCloskey

11. Keith Earls

10. Johnny Sexton

9. Conor Murray

1. Jack McGrath

2. Rory Best

3. Mike Ross

4. Donnacha Ryan

5. Devin Toner

6. CJ Stander

7. Josh van der Flier

8. Jamie Heaslip

Ionadaithe

16. Richard Strauss     

17. Cian Healy                                             

18. Nathan White

19. Ultane Dillane                   

20. Rhys Ruddock                                 

21. Eoin Reddan                             

22. Ian Madigan

23. Simon Zebo