Tá comharchumann Gaeltachta agus léiritheoir teilifíse ón nGaeltacht orthu siúd atá ainmnithe inniu ar liosta na mainnitheoirí cánach is déanaí atá foilsithe ag na Coimisinéirí Ioncaim.
De réir an liosta a foilsíodh inniu, rinne Comharchumann Forbartha Gaoth Dobhair Teo socrú leis na Coimisinéirí Ioncaim i dtaca le suim €49,808 a bhain le gannthuairisciú ar PAYE, PRSI agus CBL.
Tá an léiritheoir agus eagarthóir scannán aitheanta, arb as Corca Dhuibhne dó, ar liosta na mainnitheoirí cánach chomh maith. €105,813 san iomlán atá le híoc ag an scannánadóir leis na Coimisinéirí Ioncaim toisc nár dhearbhaigh sé cáin ioncaim agus CBL i dtaca le €64,264.
Bhí €41,313 den iomlán fós le híoc aige leis na Coimisinéirí Ioncaim ar an 31 Márta i mbliana.
29 cás dá leithéid a bhí fós gan íoc ar an 31 Márta de réir liosta na mainnitheoirí cánach a foilsíodh inniu.
Bhó 41 cás i gceist ina raibh suim níos mó ná €100,000 i gceist.
Rinne Ard Cashel Stone Ltd, comhlacht tógála agus saor cloiche
sna Doirí Beaga i nGaoth Dobhair socrú leis na Coimisinéirí Ioncaim i dtaca le suim €43,128.
Thug na Coimisinéirí Ioncaim le fios go bhfoilsítear eolas faoi shocruithe cánach nuair nach mbaintear leas as an deis atá ann dearbhú deonach a dhéanamh agus nuair is d’aon turas nó le míchúram a dhéantar faillí.
Fág freagra ar 'Comharchumann Gaeltachta agus léiritheoir scannán Duibhneach ar liosta mainnitheoirí cánach'