Ar Son na Cúise: Fáilte Uí Cheallaigh an Rialtais roimh an ‘Newdetailing from Gilligan’s Island’

Cóip faighte go heisiach ag Ar Son na Cúise agus ag Ar Son na Cúise amháin de cháipéis rúnda rialtais ina leagtar amach na buntáistí a bhainfeadh le bás na teanga

Opened File Folder

Baineadh preab (eile) as pobal na Gaeilge inniu nuair a dheimhinigh urlabhraí Rialtais go raibh grinn-staidéar déanta ar an Nuashonrú Gaeltachta agus an Rialtas ag tacú go hiomlán leis.

Nuair a cheistigh tuairisceoir ASNC níos grinne é, d’admhaigh an t-urlabhraí gurb é éadóchas na cáipéise is mó a spreag fáilte an Rialtais.

“This Newdetailing malarkey, from what we understand of it, is like the answer to all our prayers. If there’s a downside to this, well I don’t see it,” arsa an t-urlabhraí.

Idir an dá linn, tá cóip faighte go heisiach ag Ar Son na Cúise agus ag Ar Son na Cúise amháin de cháipéis rúnda rialtais – A Government response to the Newdetailing from Gilligan’s Island – ina leagtar amach na buntáistí a bhainfeadh le bás na teanga.

Deirtear sa cháipéis, a scríobhadh i mBéarla ach atá aistrithe anseo dúinn ag an gCoimíneach, go mbainfidh 18 mórbhuntáiste (nach bhféadfadh sibh cuimhneamh ar dhá cheann eile le 20 a dhéanamh as? Eag.)  leis an scéal nach mairfidh an Ghaeilge beo ach deich mbliana eile. MTS

  • Gur féidir, mar a rinneadh leis an gcéad dhá thrian, dearmad glan a dhéanamh ar an trian deireanach den Straitéis 20 Bliain mar nach mbeidh an Ghaeilge ann le straitéisiú
  • Go mbeidh freagra deifnídeach sa deireadh againn ar ‘cheist na Gaeilge’
  • Go mbeidh Údarás na Gaeltachta ábalta fostaíocht a dhéanann dochar don Ghaeilge a mhealladh le coinsias glan
  • Go mbeidh díolúine ó staidéar na Gaeilge don Ardteist ag cách
  • Go mbeidh ar chumas an stáisiúin leath-Bhéarla TG4 iompú ina stáisiún Béarla
  • Go mbeidh Cormac ag a Cúig in ann Liveline a chur i láthair gan a bheith in iomaíocht go díreach leis an gclár Cormac ag a Cúig
  • Go ndéanfar buan an sos cogaidh idir lucht na gCaighdeán Oifigiúla (ginideach iolra)
  • Go mbeidh tuilleadh údar gaisce ag Fíorghael Ó Fál faoin milliún cainteoir líofa Gaeilge ó thuaidh
  • Go stopfaidh Donncha Ó hÉallaithe ag caint faoi theorainneacha na Gaeltachta
  • Go mbeidh ar chumas Aire Stáit na Gaeltachta agallamh ceart beo a dhéanamh faoi chúrsaí Gaeltachta
  • Go leigheasfar an tinneas cinn atá ag cur as do Ray Darcy ó d’fhill sé ar RTÉ File photo: Veteran radio presenter Ray D'Arcy has annnounced he will leave Today FM for RTÉ
  • Go mbeidh filí ghlúin INNTI ábalta a mhaíomh go fírinneach nach mbeidh leithéid fhilí ghlúin INNTI arís ann
  • Nach mbeidh orainn aghaidh a thabhairt go deo ar cheist chigilteach an ghinidigh iolra tar éis na n-uimhreacha pearsanta
  • Nach rithfear amach as aíonna do Comhrá
  • Gur féidir acmhainní an Stáit a chuirtear amú ar bhéalghrá, baothchaint, bréag-gheallúintí agus bréaga a dhíriú ar réimsí eile den saol seachas an Ghaeilge
  • Gur féidir, le coinsias glan, comórtas steipeadaíle agus bréigéide a dhéanamh den Oireachtas ar fad
  • Go mbeifear ábalta cónascadh a dhéanamh idir Comórtas Tidy Gaeilge Ghlór na nGael agus an Comórtas Tidy Towns
  • Nach mbeidh Éire go deo ag Cáit Ní Dhuibhir

Ceaptar anois go bhfuil pleanáil ardleibhéil ar bun i Roinn an Taoisigh le “spás lárnach” a chinntiú de na searmanais oifigiúla Stáit do thórramh na Gaeilge mar chuid de Chomóradh 1916 an bhliain seo chugainn.

“Táimid ag caint le RTÉ faoi seo cheana féin,” a dúirt an t-urlabhraí.  “Feicimid go leor féidearthachtaí ann, idir dhrámaí, T léinte, Aip nó dhó, ceolchoirm ar an mBlascaod agus sraith nua taistil do Terry Wogan”.

Fág freagra ar 'Ar Son na Cúise: Fáilte Uí Cheallaigh an Rialtais roimh an ‘Newdetailing from Gilligan’s Island’'